കോട്ടയം: ജില്ലയിൽ കൊവിഡ് ബാധിച്ച് ചികിത്സയിലുള്ളവരുടെ എണ്ണം 125 ആയി. പുതിയതായി ഏഴു പേർക്കുകൂടി രോഗം ബാധിച്ചു. ഇതിൽ വിദേശത്തുനിന്നെത്തിയ ആറു പേരും സമ്പർക്കം മുഖേന രോഗബാധിതയായ മണർകാട് സ്വദേശിനിയും ഉൾപ്പെടുന്നു.

ഒരാൾക്കു മാത്രമാണ് രോഗലക്ഷണങ്ങൾ ഉണ്ടായിരുന്നത്. അഞ്ചു പേർ വീടുകളിലും ഒരാൾ ക്വാറന്റൈൻ കേന്ദ്രത്തിലും ഒരാൾ ആശുപത്രിയിലും നിരീക്ഷണത്തിലായിരുന്നു. ഒൻപതു പേർ ആശുപത്രി വിട്ടു.

കോട്ടയം ജനറൽ ആശുപത്രി -36, പാലാ ജനറൽ ആശുപത്രി - 33, കോട്ടയം മെഡിക്കൽ കോളേജ് -19, മുട്ടമ്പലം പ്രാഥമിക പരിചരണ കേന്ദ്രം-17 , അകലക്കുന്നം പ്രാഥിക പരിചരണ കേന്ദ്രം-16, എറണാകുളം മെഡിക്കൽ കോളേജ് -2, മഞ്ചേരി മെഡിക്കൽ കോളേജ് -1, ഇടുക്കി മെഡിക്കൽ കോളേജ്-1, എന്നിങ്ങനെയാണ് ചികിത്സയിൽ കഴിയുന്നവരുടെ കണക്ക്.

രോഗം സ്ഥിരീകരിച്ചവർ

1. മണർകാട് സ്വദേശിനി (62). പത്തനംതിട്ടയിൽ രോഗം ബാധിച്ച ഡോക്ടറുടെ പ്രാഥമിക സമ്പർക്കപ്പട്ടികയിൽ ഉൾപ്പെട്ടിരുന്നു. രോഗലക്ഷണങ്ങളോടെ ജൂലായ് ഏഴിന് കോട്ടയം ജനറൽ ആശുപത്രിയിൽ പ്രവേശിപ്പിച്ചു.

2. മസ്‌കറ്റിൽനിന്ന് ജൂൺ 24ന് എത്തി ഹോം ക്വാറന്റൈനിൽ കഴിഞ്ഞിരുന്ന അതിരമ്പുഴ സ്വദേശിനി (34). രോഗലക്ഷണങ്ങൾ ഉണ്ടായിരുന്നില്ല.

3. അബുദാബിയിൽനിന്ന് ജൂൺ 24ന് എത്തി കാണക്കാരിയിലെ ബന്ധുവീട്ടിൽ ക്വാറന്റൈനിൽ കഴിഞ്ഞിരുന്ന നീണ്ടൂർ സ്വദേശി (29). രോഗലക്ഷണങ്ങൾ ഉണ്ടായിരുന്നില്ല.

4. ദുബായിൽ നിന്ന് ജൂൺ 24ന് എത്തി ഹോം ക്വാറന്റൈനിൽ കഴിഞ്ഞിരുന്ന വാഴപ്പള്ളി സ്വദേശി (63). രോഗലക്ഷണങ്ങൾ ഉണ്ടായിരുന്നില്ല.

5. ഐവറികോസ്റ്റിൽനിന്ന് ജൂൺ 25ന് എത്തി ഹോം ക്വാറന്റൈനിൽ കഴിഞ്ഞിരുന്ന തിടനാട് സ്വദേശി (41). രോഗലക്ഷണങ്ങൾ ഉണ്ടായിരുന്നില്ല.

6. ദുബായിൽനിന്ന് ജൂൺ 29ന് എത്തി തുരുത്തിയിലെ ക്വാറന്റൈൻ കേന്ദ്രത്തിൽ കഴിഞ്ഞിരുന്ന കുറിച്ചി സ്വദേശിനി (28). രോഗലക്ഷണങ്ങൾ ഉണ്ടായിരുന്നില്ല.

7. അബുദാബിയിൽനിന്ന് ജൂൺ 24ന് എത്തി ഹോം ക്വാറന്റൈനിൽ കഴിഞ്ഞിരുന്ന മേലുകാവ് സ്വദേശി (30). രോഗലക്ഷണങ്ങൾ ഉണ്ടായിരുന്നില്ല.