കോട്ടയം: വണ്ണപ്പുറത്തെ എസ്.ബി.ഐ യുടെ എ.ടി.എമ്മിൽ മോഷണശ്രമം. മെഷീൻ പൊളിക്കാൻ കഴി​യാതി​രുന്നതോടെ മോഷ്ടാക്കൾ ശ്രമം ഉപേക്ഷിച്ച് കടന്നു. ഇന്ന് പുലർച്ചെയാണ് സംഭവം. കാളിയാർ സി.ഐ യും സംഘവും സ്ഥലത്തെത്തി തെളിവുകൾ ശേഖരിച്ചു.

ടെക്നീഷ്യൻ സ്ഥലത്തെത്തി പരിശോധന നടത്തുമെന്ന് പൊലീസ് വ്യക്തമാക്കി. വാഹനങ്ങളിലാവാം മോഷ്ടാക്കൾ എത്തിയതെന്നാണ് സംശയിക്കുന്നത്. ഈ പ്രദേശത്തെ സി.സി.ടി.വി ദൃശ്യങ്ങൾ പൊലീസ് പരിശോധിച്ചുവരികയാണ്.