വാഴപ്പള്ളി: വാഴപ്പള്ളി സെന്റ് തെരേസാസ് ഹയർ സെക്കൻഡറി സ്‌കൂളിൽ പ്ലസ്ടു പരീക്ഷ എഴുതിയ 177 വിദ്യാർത്ഥികളും വിജയിച്ചു. തുടർച്ചയായി 6ാം തവണയാണ് നൂറ് ശതമാനം വിജയം കരസ്ഥമാക്കുന്നത്. 52 വിദ്യാർത്ഥികൾക്ക് മുഴുവൻ വിഷയങ്ങൾക്കും എ പ്ലസ് ലഭിച്ചു. സയൻസ് ഗ്രൂപ്പിൽ അഞ്ജു ജോസിയും ഹ്യൂമാനിറ്റീസ് ഗ്രൂപ്പിൽ രേഷ്മ സോം, ഹെലൻ പോൾ, ദിവ്യ അന്ന വർഗീസ് എന്നീ വിദ്യാർത്ഥികൾ 1200ൽ 1200 മാർക്കും കരസ്ഥമാക്കി. വിജയികളെ മുൻസിപ്പൽ കൗൺസിലർ എൽസമ്മ ജോബ്, സ്‌കൂൾ മാനേജർ സിസ്റ്റർ തെരേസ് മുട്ടത്തുപാറ, പ്രിൻസിപ്പൽ സിസ്റ്റർ റ്റിസാ പടിഞ്ഞാറേക്കര, പി.റ്റി.എ പ്രസിഡന്റ് സെബാസ്റ്റ്യൻ മുല്ലശ്ശേരി എന്നിവർ അനുമോദിച്ചു.