കോട്ടയം: ജില്ലയിൽ 13 പേർക്കുകൂടി കോവിഡ്. ഏഴു പേർക്ക് സമ്പർക്കത്തിലൂടെയാണ് രോഗം ബാധിച്ചത്. രണ്ടു പേർ ആരോഗ്യ പ്രവർത്തകരാണ്. മൂന്നു പേർ മറ്റു സംസ്ഥാനങ്ങളിൽനിന്നും ഒരാൾ മസ്‌കറ്റിൽനിന്നും എത്തിയതാണ്. ഒരാൾക്കു മാത്രമാണ് രോഗലക്ഷങ്ങൾ ഉണ്ടായിരുന്നത്. അഞ്ചു പേർ രോഗമുക്തരായി. നിലവിൽ 186 പേരാണ് ചികിത്സയിലുള്ളത്. കോട്ടയം ജില്ലക്കാരായ 400 പേർക്കാണ് ഇതുവരെ രോഗം ബാധിച്ചത്. 214 പേർ രോഗമുക്തരായി.

രോഗം സ്ഥിരീകരിച്ചവർ

1. വൈക്കം താലൂക്ക് ആശുപത്രിയിലെ ഫാർമസിസ്റ്റായ വൈക്കം സ്വദേശി (31). നേരത്തെ രോഗം സ്ഥിരീകരിച്ചയാളുടെ സമ്പർക്കപ്പട്ടികയിൽ ഉണ്ടായിരുന്നു.

2. പാമ്പാടി താലൂക്ക് ആശുപത്രിയിൽ സ്റ്റാഫ് നഴ്‌സായ കാഞ്ഞിരപ്പള്ളി സ്വദേശി (31). കൊറോണ സാമ്പിൾ ശേഖരിക്കുന്ന ജോലി ചെയ്തിരുന്നു.

3. വൈക്കം സ്വദേശിനി (63). മറവന്തുരുത്തിലെ ബേക്കറിയുടമ. എറണാകുളത്ത് രോഗം സ്ഥിരീകരിച്ചയാൾ ഇവരുടെ ബേക്കറിയിൽ എത്തിയിരുന്നു.

4.വൈക്കം ടിവി പുരം സ്വദേശിനി (38). ആലപ്പുഴ എഴുപുന്നയിലെ ഭക്ഷ്യ സംസ്‌കരണ ശാലയിൽ ജോലി ചെയ്യുന്നു. നേരത്തെ രോഗം സ്ഥിരീകരിച്ച ഈ സ്ഥാപനത്തിലെ സെക്യൂരിറ്റി ജീവനക്കാരന്റെ സമ്പർക്ക പട്ടികയിൽ ഉണ്ടായിരുന്നു.

5. എറണാകുളത്ത് പൊലീസ് വകുപ്പിൽ ജോലി ചെയ്യുന്ന ടി.വി പുരം സ്വദേശി (44). സമ്പർക്ക പശ്ചാത്തലം വ്യക്തമല്ല.

6. ഉദയനാപുരം സ്വദേശി (37) നേരത്തെ രോഗം സ്ഥിരീകരിച്ചയാളുടെ സമ്പർക്ക പട്ടികയിൽ ഉൾപ്പെട്ടിരുന്നു.

7. പത്തനംതിട്ടയിൽ രോഗം സ്ഥിരീകരിച്ച മാലം സ്വദേശിയായ ഡോക്ടറുടെ സമ്പർക്ക പട്ടികയിൽ ഉൾപ്പെട്ട തലയാഴം സ്വദേശി (52)

8. നേരത്തെ രോഗം സ്ഥിരീകരിച്ച വെച്ചൂർ സ്വദേശിനിയുടെ ഭർതൃമാതാവ് (68). പത്തനം തിട്ടയിൽ രോഗം സ്ഥിരീകരിച്ച ഡോക്ടറുടെ രണ്ടാം സമ്പർക്ക പട്ടികയിൽ ഉണ്ടായിരുന്നു.

9. ചങ്ങനാശേരി വാഴപ്പള്ളി സ്വദേശി (41). സമ്പർക്ക പശ്ചാത്തലം വ്യക്തമല്ല.

10. ഹൈദരാബാദിൽനിന്ന് എത്തി കറുകച്ചാലിലെ നിരീക്ഷണ കേന്ദ്രത്തിൽ കഴിഞ്ഞിരുന്ന മാടപ്പള്ളി സ്വദേശിനിയായ ആരോഗ്യ പ്രവർത്തക (22).

11. മുംബയിൽനിന്നെത്തി ഹോം ക്വാറന്റൈനിൽ കഴിഞ്ഞിരുന്ന കറുകച്ചാൽ സ്വദേശി (58).

12. ഹരിയാനയിൽനിന്ന് എത്തി ഹോം ക്വാറന്റൈനിൽ കഴിഞ്ഞിരുന്ന ടി.വിപുരം സ്വദേശിനിയായ ആരോഗ്യപ്രവർത്തക (34).

13. മസ്‌കറ്റിൽനിന്നെത്തി ഹോം ക്വാറന്റൈനിൽ കഴിഞ്ഞിരുന്ന മാടപ്പള്ളി സ്വദേശി (60). രോഗലക്ഷണങ്ങൾ ഉണ്ടായിരുന്നു.