കോട്ടയം : കൊവിഡ് ബാധിച്ച് മരിച്ചയാളുടെ സംസ്‌കാരം തടഞ്ഞ സംഭവത്തിൽ ബി.ജെ.പി കൗൺസിലർ ടി.എൻ. ഹരികുമാർ അടക്കം 30 പേർക്കെതിരെ പകർച്ചവ്യാധി പ്രതിരോധന നിയമപ്രകാരം കേസെടുത്തു. ചുങ്കം നടുമാലിൽ ഔസേഫ് ജോർജിന്റെ (83) സംസ്‌കാരം മുട്ടമ്പലം വൈദ്യുതി ശ്മശാനത്തിൽ നടത്തുന്നതിനെതിരെയായിരുന്നു റോഡ് അടച്ചു കെട്ടിയുള്ള പ്രതിഷേധം. സംഭവത്തിൽ സോഷ്യൽ മീഡിയയിൽ അടക്കം വൻ പ്രതിഷേധം ഉയർന്ന സാഹചര്യത്തിലാണ് കേസെടുത്തത്. സമരത്തിന്റെ ദൃശ്യങ്ങൾ പൊലീസ് പൂർണമായും കാമറയിൽ പകർത്തിയിരുന്നു.