അടിമാലി. പോക്‌സോ കേസിൽ ജാമ്യത്തിൽ ഇറങ്ങിയ പ്രതി പെൺകുട്ടിയെ വീണ്ടും തട്ടികൊണ്ടു പോയി. പ്രായപൂർത്തിയാകാത്ത പെൺ കുട്ടിയെ തട്ടികൊണ്ട് പോയി പീഡിപ്പിച്ച കേസിൽ പണിക്കൻകുടി പുല്ലുകണ്ടം കുത്തുകല്ലുങ്കൽ വിമൽ (22)നെ വെള്ളത്തൂവൽ പൊലിസ് വീണ്ടും അറസ്റ്റ് ചെയ്തു. ഇതെ പെൺ കുട്ടിയെ 2019 സെപ്തംബറിൽ പീഡിപ്പിച്ച സംഭവത്തിൽ പോക്‌സോ നിയമപ്രകാരം വിമൽ റിമാന്റിലായിരുന്നു. പിന്നീട് ജാമ്യത്തിൽ ഇറങ്ങി ഞായറാഴ്ച രാത്രി വീണ്ടും പെൺകുട്ടിയെ തട്ടികൊണ്ട് പോയത്. ഇതു സംബന്ധിച്ച് പെൺകുട്ടിയുടെ ബന്ധുക്കൾ നൽകിയ പരാതിയിൽ എസ്.ഐ എം.വി സ്‌കറിയ, എ.എസ്.ഐ മാരായ ബിൻസ്.എം.തോമസ്, കെ.എൻ.സിബി എന്നിവർ ചേർന്ന് ഇയാളെ ഇന്നലെവൈകിട്ട് മുള്ളിരിക്കുടിയിൽ വെച്ച് അറസ്റ്റ് ചെയ്തത്. എന്നാൽ മുൻപുണ്ടായ പീഡനക്കേസിൽ വീട്ടുകാർക്ക് മാനക്കേട് ഉണ്ടാക്കിയതിനാൽ ഇരുവരും ആത്മഹത്യ ചെയ്യുകയാണ് എന്ന് എഴുതിയ കത്ത് ഇവരിൽ നിന്ന് കണ്ടെടുത്തു.. പ്രതിയെ ഇന്ന് കോടതിയിൽ ഹാജരാക്കും.