വൈക്കം : കണ്ടെയ്ൻമെന്റ് സോൺ അടക്കമുള്ള പ്രദേശങ്ങളിലെ വീടുകളിൽ ക്വാറന്റൈനിൽ കഴിയുന്നവർ പുറത്തിറങ്ങിയാൽ ശക്തമായ നടപടി സ്വീകരിക്കണമെന്ന് വൈക്കം നഗരസഭ കൊവിഡ് അവലോകനയോഗം പൊലീസിനോട് ആവശ്യപ്പെട്ടു. 13, 21, 24, 25 വാർഡുകളാണ് കണ്ടെയ്ൻമെന്റ് സോണുകൾ. ഇവിടെ നിയന്ത്രണങ്ങൾ കടുപ്പിക്കണം. കണ്ടെയ്ൻമെന്റ് സോണായി പ്രഖ്യാപിച്ചിട്ടുള്ള ഇടങ്ങളിലെ കടകൾ തുറന്ന് പ്രവർത്തിപ്പിക്കുന്നവർക്കെതിരെ നഗരസഭ നടപടി സ്വീകരിക്കും. യോഗത്തിൽ ചെയർമാൻ ബിജു കണ്ണേഴത്ത് അദ്ധ്യക്ഷത വഹിച്ചു. സെക്രട്ടറി രമ്യ കൃഷ്ണൻ റിപ്പോർട്ട് അവതരിപ്പിച്ചു. കൗൺസിലർമാരായ ഡി.രഞ്ജിത്കുമാർ, പി.ശശിധരൻ, ആർ.സന്തോഷ്, എം.ടി. അനിൽകുമാർ, എസ്.ഹരിദാസൻ നായർ, സെൽബി ശിവദാസ്, പി.ആർ.ഒ മോഹനൻ തുടങ്ങിയവർ സംസാരിച്ചു.