ബാഴ്സലോണയെ 2-2ന് അത്‌ലറ്റിക്കോ

മാഡ്രിഡ് സമനിലയിൽ തളച്ചു

ലോക്ക് ഡൗണിന് ശേഷമുള്ള ബാഴ്സയുടെ

മൂന്നാം സമനില, കിരീടസാധ്യത മങ്ങി

മാഡ്രിഡ് : ലോക്ക് ഡൗണിന് ശേഷമുള്ള മൂന്നാമത്തെ സമനിലയും വഴങ്ങിയതോടെ ഇക്കുറി സ്പാനിഷ് ലാലിഗ കിരീടം നിലനിറുത്താമെന്ന ബാഴ്സലോണയുടെ മോഹത്തിന് സാരമായ തിരിച്ചടിയേറ്റു.

കഴിഞ്ഞരാത്രി നടന്ന മത്സരത്തിൽ കരുത്തരായ അത്‌ലറ്റിക്കോ മാഡ്രിഡ് 2-2 നാണ് ബാഴ്സലോണയെ തളച്ചത്. ആദ്യപകുതിയിൽ ഇരുടീമുകളും 1-1ന് സമനിലയിലായിരുന്നു. ലോക്ക് ഡൗണിന് മുമ്പ് പോയിന്റ് പട്ടികയിൽ മുന്നിലായിരുന്ന ബാഴ്സലോണ ഇടവേള കഴിഞ്ഞെത്തി സെവിയ്യ, സെൽറ്റ ഡി വിഗോ എന്നിവരുമായും സമനിലയിൽ കുരുങ്ങിയിരുന്നു.

ബാഴ്സലോണ അത്‌ലറ്റിക്കോ മാഡ്രിഡ് മത്സരം സമനിലയിലായതോടെ റയൽ മാഡ്രിഡിന് ഒരു പോയിന്റ് ലീഡായി. പക്ഷേ ബാഴ്സലോണയെക്കാൾ ഒരു മത്സരം കുറവുള്ളതിനാൽ അടുത്ത മത്സരത്തിലെ വിജയത്തോടെ റയലിന് നാല് പോയിന്റ് ലീഡിലെത്താം.

മൂന്ന് പെനാൽറ്റി, ഒരു സെൽഫ്

ഇൗ മത്സരത്തിൽ പിറന്ന മൂന്ന് ഗോളുകളും പെനാൽറ്റി വഴിയായിരുന്നു. ഒന്ന് സെൽഫ് ഗോളും.

11-ാം മിനിട്ടിൽ ഡീഗോ കോസ്റ്റയുടെ സെൽഫ് ഗോളിലൂടെയാണ് ബാഴ്സലോണ മുന്നിലെത്തിയത്.

19-ാം മിനിട്ടിൽ ലഭിച്ച പെനാൽറ്റി കിക്ക് ഗോളാക്കി സൗൾ നിഗ്വേസ് കളി സമനിലയിലാക്കി.

50-ാം മിനിട്ടിൽ ബാഴ്സലോണയ്ക്ക് അനുകൂലമായി ലഭിച്ച പെനാൽറ്റി കിക്ക് ഗോളാക്കി മെസി ലീഡ് തിരികെപ്പിടിച്ചു.

62-ാം മിനിട്ടിൽ മത്സരത്തിലെ തന്റെ രണ്ടാം പെനാൽറ്റി കിക്കും വലയിലെത്തിച്ച് സൗൾ മത്സരത്തിന്റെ വിധി കുറിച്ചു.

മെ​സി​ ​ 700​

ബാ​ഴ്സ​ലോ​ണ​യു​ടെ​ ​അ​ർ​ജ​ന്റീ​നി​യ​ൻ​ ​സൂ​പ്പ​ർ​താ​രം​ ​ല​യ​ണ​ൽ​ ​മെ​സി​ ​പ്രൊ​ഫ​ഷ​ണ​ൽ​ ​ക​രി​യ​റി​ൽ​ 700​ ​ഗോ​ളു​ക​ൾ​ ​എ​ന്ന​ ​നാ​ഴി​ക​ക്ക​ല്ല് ​പി​ന്നി​ട്ടു.​ ​ക​ഴി​ഞ്ഞ​ ​ര​ണ്ട് ​മ​ത്സ​ര​ങ്ങ​ളി​ൽ​ ​ഗോ​ൾ​ ​ക​ണ്ടെ​ത്താ​ൻ​ ​ക​ഴി​യാ​തി​രു​ന്ന​ ​മെ​സി​ ​പെ​നാ​ൽ​റ്റി​ ​പ​നേ​ങ്ക​ ​കി​ക്കി​ലൂ​ടെ​ ​ചി​പ്പ് ​ചെ​യ്ത് ​വ​ല​യി​ലെ​ത്തി​ച്ചാ​ണ് 700​-ാം​ ​ഗോ​ൾ​ ​ആ​ഘോ​ഷി​ച്ച​ത്.​ ​എ​ന്നാ​ൽ​ ​മ​ത്സ​രം​ ​വി​ജ​യി​ക്കാ​നാ​കാ​ത്ത​ത് ​മെ​സി​യെ​ ​നി​രാ​ശ​നാ​ക്കി​യി​രു​ന്നു.