ന്യൂ​ഡ​ൽ​ഹി: രാജ്യതലസ്ഥാനത്ത് ജൂലായ് അവസാനത്തോടെ 5.5 ല​ക്ഷം കൊവിഡ് രോഗികൾ ഉണ്ടാകുമെന്നത് കേന്ദ്രസർക്കാരിന്റെ കണക്കാണെന്ന് ഡ​ൽഹി ഉപമുഖ്യമന്ത്രി മ​നീ​ഷ് സി​സോ​ദി​യ. കേ​ന്ദ്രം പറഞ്ഞ കണക്ക് പൊതുജനങ്ങളുമായി പങ്കുവയ്ക്കുകയായിരുന്നുവെന്നും സിസോദിയ വ്യക്തമാക്കി.

ഡ​ൽഹിയിൽ ജൂ​ലായ് അ​വ​സാ​ന​ത്തോ​ടെ 5.5 ല​ക്ഷം പേർക്ക് കൊവിഡ് ബാധിക്കുമെന്നാണ് സിസോദിയ പ​റ​യു​ന്ന​തെ​ന്ന് ക​ഴി​ഞ്ഞ​ദി​വ​സം കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത്ഷാ വി​മ​ർശിച്ചിരുന്നു. സിസോദിയയുടെ പ്രസ്താവന ജനങ്ങളിൽ ആശങ്ക ഉണ്ടാക്കുമെന്നും അമിത് ഷാ പറഞ്ഞു. ഇതിന് പിന്നാലെയാണ് സിസോദിയയുടെ വിശദീകരണം.

നാളെ എന്ത്​ സംഭവിക്കുമെന്ന്​ ആർക്കും പറയാനാവില്ല. എന്നാൽ ഇതുമായി ബന്ധപ്പെട്ട കാര്യങ്ങളെല്ലാം സർക്കാരിന്റെ പോർട്ടലുകളിൽ പങ്കുവയ്ക്കപ്പെട്ടിട്ടുണ്ട്​. അതാണ് താൻ അറിയിച്ചത്​. അറിയിപ്പ്​ നൽകിയാൽ ജനങ്ങൾ മുൻകരുതൽ എടുക്കുമെന്ന് സ്വകാര്യ ചാനലിന് നൽകിയ അഭിമുഖത്തിൽ സിസോദിയ പറഞ്ഞു.