കറാച്ചി : പാകിസ്​താൻ വിദേശകാര്യ മന്ത്രി ഷാ മെഹ്‌മൂദ് ഖുറേഷിക്ക് കൊവിഡ് സ്ഥിരീകരിച്ചു. വെള്ളിയാഴ്​ച ട്വിറ്ററിലൂടെയാണ് അദ്ദേഹം ത​ന്റെ കൊവിഡ് പരിശോധനാ ഫലം പോസിറ്റീവായ വിവരം അറിയിച്ചത്. ചെറിയ പനി ഉണ്ടായതിനെ തുടർന്ന് വീട്ടിൽ ക്വാറന്റീനിൽ പ്രവേശിക്കുകയായിരുന്നു. തുടർന്ന്​ നടത്തിയ കൊവിഡ്​ പരിശോധനയിൽ ഫലം പോസിറ്റീവാണെന്ന്​ സ്ഥിരീകരിച്ചു.

അതേസമയം, വീട്ടിലിരുന്നുകൊണ്ട്​ ത​ന്റെ ചുമതലകൾ തുടരുമെന്നും താൻ ആരോഗ്യവാനാണെന്നും ഖുറേഷി അറിയിച്ചിട്ടുണ്ട്​. നിലവിൽ 2,25,283 പേർക്കാണ് പാകിസ്ഥാനിൽ കൊവിഡ് സ്ഥിരീകരിച്ചിട്ടുള്ളത്. 4,619 പേർ മരിച്ചു.