മുംബയ്: ഇന്ത്യയുടെ കൈവശമുള്ളത് ലോകത്തെ ഏറ്രവും ഉയർന്ന അഞ്ചാമത്തെ വിദേശ നാണയ കരുതൽ ശേഖരം. 50,​000 കോടി ഡോളറാണ് നിലവിൽ ഇന്ത്യയുടെ ശേഖരം. ഇതു റെക്കാഡാണ്. മൂന്നു ലക്ഷം കോടി ഡോളർ ശേഖരവുമായി ചൈനയാണ് ഒന്നാമത്. ജപ്പാൻ,​ സ്വിറ്ര്‌സർലൻഡ്,​ റഷ്യ എന്നിവയാണ് യഥാക്രമം ഇന്ത്യയ്ക്ക് മുന്നിലുള്ള മറ്ര് രാജ്യങ്ങൾ.

കൊവിഡ് സൃഷ്‌ടിച്ച പ്രതിസന്ധിക്കിടയിലും സാമ്പത്തിക വെല്ലുവിളികൾ നേടിരാൻ ഇന്ത്യ ഭദ്രമാണെന്ന് നിക്ഷേപക ലോകത്തെയും റേറ്രിംഗ് ഏജൻസികളെയും ബോദ്ധ്യപ്പെടുത്താൻ ഈ ശേഖരം സഹായിക്കും. 13 മാസത്തേക്കുള്ള ഇന്ത്യയുടെ ഇറക്കുമതി ആവശ്യങ്ങളും ജി.ഡി.പിയുടെ അഞ്ചിലൊന്നും കൈകാര്യം ചെയ്യാൻ ശേഖരം പ്രയോജനപ്പെടുത്താനാകും.