കോഴിക്കോട്: തിരുവനന്തപുരത്തിന് പിന്നാലെ കരിപ്പൂർ വിമാനത്താവളത്തിലും വൻ സ്വർണവേട്ട. രണ്ട് വിമാനങ്ങളിലായി എത്തിയ രണ്ട് യാത്രക്കാരിൽ നിന്ന് 1.100 കിലോഗ്രാം സ്വർണമാണ് പിടികൂടിയത്. 50 ലക്ഷം രൂപ വിലമതിക്കുന്നതാണ് സ്വർണം. ദുബായിൽ നിന്നെത്തിയ അബ്‌ദുൾ ഫായിസ്, മുഹമ്മദ് അഫ്സൽ എന്നിവരാണ് സ്വർണം കടത്തിയത്.

ഇരുവരും കാസർകോട് സ്വദേശികളാണ്. ഇന്നലെ തലസ്ഥാനത്ത് സ്വർണം പിടികൂടിയതുമായി ബന്ധപ്പെട്ട് ഉന്നത തലത്തിൽ അന്വേഷണം നടക്കുന്നതിനിടെയാണ് കരിപ്പൂരിൽ നിന്നുള്ള സ്വർണവേട്ട പുറത്തുവരുന്നത്.