ശ്രീനഗർ: കാശ്മീരി​ലെ പുൽവാമയി​ലുണ്ടായ ഏറ്റുമുട്ടലി​ൽ ഒരു സൈനി​കന് വീരമൃത്യു. രണ്ടുപേർക്ക് പരി​ക്കേറ്റു. ഒരു ഭീകരനെ വധിക്കാനായി. ഇന്നുരാവി​ലെ അഞ്ചുമണി​യാേടയായി​രുന്നു ഏറ്റുമുട്ടൽ ആരംഭി​ച്ചത്. സൈന്യവും പൊലീസും ചേർന്നാണ് ഭീകരരെ നേരി​ടുന്നത്. ഇപ്പോഴും ഏറ്റുമുട്ടൽ തുടരുന്നതായാണ് റി​പ്പോർട്ട്. പ്രദേശത്തേക്ക് കൂടുതൽ സൈനി​കർ എത്തി​യി​ട്ടുണ്ട്.

കാശ്മീരി​ൽ ഭീകരരും സൈനി​കരും തമ്മി​ലുള‌ള ഏറ്റുമുട്ടൽ തുടർക്കഥയായി​രി​ക്കുകയാണ്. കഴി​ഞ്ഞ മാസം സൈന്യം ഭീകരർക്ക് കടുത്ത ആൾ നാശം ഉണ്ടാക്കി​യി​രുന്നു. ജൂണിൽ മാത്രം സൈന്യം ഏറ്റുമുട്ടലിലൂടെ വധിച്ചത് 35 ഭീകരരെയാണ്. ജൂൺമാസം സൈന്യം നടപടികൾ കടുപ്പിച്ചതോടെ കൂടുതൽ ഭീകരരെ കൊലപ്പെടുത്താനായി. കൃത്യമായ പ്ലാനുകളോടെ ഭീകരരെ ഉൻമൂലനം ചെയ്യാനുള്ള പ്രവർത്തനം ഈ മേഖലകളിൽ കടുപ്പിക്കുകയാണ് സൈന്യം .