കോട്ടയം: ഇടതുമുന്നണിയുമായി സഹകരിക്കുന്ന കാര്യത്തിലുള‌ള ചർച്ചകൾ താൽക്കാലികമായി നിറുത്തിവയ്ക്കാൻ ജോസ് കെ മാണി പക്ഷത്തിന്റെ തീരുമാനം. സ്വർണക്കടത്തുകേസിൽ സർക്കാരിനെതിരെ ആരോപണമുയരുന്നതിന്റെ പശ്ചാത്തലത്തിലാണ് തീരുമാനം. ഇപ്പോൾ ചർച്ച നടത്തുന്നത് പ്രതികൂലമായി ബാധിക്കുമെന്നുകണ്ടാണ് ഇൗ തീരുമാനമെടുത്തതെന്നാണ് റിപ്പോർട്ട്. സ്വർണക്കടത്തിനെക്കുറിച്ച് തൽക്കാലം പ്രസ്താവനകളൊന്നും നടത്തേണ്ടെന്നും തീരുമാനമെടുത്തി​ട്ടുണ്ടെന്നാണ് റി​പ്പോർട്ട്. അനുകൂലി​ച്ചോ പ്രതി​കൂലി​ച്ചോ പ്രസ്താവന നടത്തുന്നത് പ്രശ്നമാവുമെന്ന് കണ്ടാണ് ഇങ്ങനെയൊരു തീരുമാനമെടുത്തത്.

ജാേസ് പക്ഷവും ഇടതുമുന്നണി​യുമായി​ താഴേത്തട്ടി​ലു‌ള‌ള ചർച്ചകൾ സജീവമായി​രുന്നു. തദ്ദേശ തി​രഞ്ഞെടുപ്പി​ലെ സഹകരണത്തി​ന്റെ അടിസ്ഥാനത്തിലായിരിക്കും ഇടതുമുന്നണിയിലേക്കുളള പ്രവേശനം എന്നായിരുന്നു റിപ്പോർട്ടുകൾ. ജോസ് പക്ഷത്തിന്റെ ഇടതുമുന്നണി പ്രവേശനത്തെ സി പി ഐ എതിർക്കുകയാണ്.