ന്യൂഡൽഹി: സമൂഹത്തിൽ സ്ത്രീ പുരുഷ സമത്വത്തിന്റെ പ്രാധാന്യം ഉയർത്തി പിടിക്കുന്നതിന്റ ഭാഗമായി നടത്തുന്ന ഗേൾ അപ്പ് ലീഡർഷിപ്പ് വെർച്വൽ ഉച്ചകോടിയിൽ സിനിമാ താരം പ്രിയങ്ക ചോപ്രയും. താരം തന്നെയാണ് ഈകാര്യം ട്വിറ്റിറിലൂടെ പങ്കുവച്ചത്. ലോകത്തിലെ നിരവധി പ്രമുഖ വനിത നേതാക്കളും സെലിബ്രിറ്റികളുമാണ് ഇതിൽ പങ്കെടുക്കുന്നത്.സ്ത്രീകൾക്ക് യാതൊരു പരിധികളുമില്ലെന്നും പെൺകുട്ടികൾക്ക് അവരുടെ ആഗ്രഹങ്ങളെയും സ്വപ്നങ്ങളെയും രൂപാന്തരപ്പെടുത്താൻ അധികാരമുണ്ടെന്നും പ്രിയങ്ക ചോപ്ര ട്വീറ്റ് ചെയ്തു.

ജൂലായ് 13 മുതൽ 15 വരെയാണ് ഗേൾ അപ്പ് ലീഡർഷിപ്പ് വെർച്വൽ ഉച്ചകോടി നടക്കുന്നത്. പങ്കെടുക്കുന്നവരുടെ പട്ടികയിൽ മുൻ പ്രഥമ വനിത മിഷേൽ ഒബാമയും പ്രിയങ്കയുടെ സുഹൃത്തായ മേഗൻ മാർക്കലും ഉൾപ്പെടുന്നു. 2018ൽ സമാധാനത്തിനുള്ള നോബൽ സമ്മാനം നേടിയ നാദിയ മുറാദ്, ഫേസ്ബുക്ക് സി.ഒ.ഒ ഷെറിൻ സാൻഡ്‌ബെർഗ് എന്നിവരും പാനലിലുണ്ട്. പ്രിയങ്ക മെഗാൻ മാർക്കളിന്റെ ഏറ്റവും അടുത്ത സുഹൃത്തുക്കളിൽ ഒരാളാണ്. 2018 ൽ ഇംഗ്ലണ്ടിൽ നടന്ന ഹാരി രാജകുമാരനുമായുള്ള മേഗന്റെ വിവാഹത്തിലും പ്രിയങ്ക പങ്കെടുത്തിരുന്നു. നിരവധി ആരാധകരാണ് പ്രിങ്കയുടെ പോസ്റ്റിന് പിന്തുണയുമായെത്തിയത്. പെൺകുട്ടികൾക്കായി താരം നൽകുന്ന പ്രചോദനം വളരെ വലുതാണെന്നും ഉച്ചകോടിയിൽ പ്രിയങ്ക പങ്കെടുക്കുന്നത് കാണാൻ കാത്തിരിക്കുകയാണെന്നും ആരാധകർ അഭിപ്രായപ്പെട്ടു.

No matter their background, girls have the power to transform themselves, their communities, and the world around them. Join me for the virtual 2020 @GirlUp Leadership Summit, July 13-15 with some of the top female leaders! Get your tickets https://t.co/VJCZLNae33 #GirlsLead20 pic.twitter.com/iu3Nr2hlyV

— PRIYANKA (@priyankachopra) July 9, 2020