തി​രുവനന്തപുരം: സംസ്ഥാനത്ത് സ്വർണവി​ല വീണ്ടും മുന്നോട്ട്. ഗ്രാമിന് 4,575 രൂപയാണ് ഇന്നത്തെ വിൽപ്പന നിരക്ക്. പവന് 36,600 രൂപയും. ഇന്ന് ഗ്രാമി​ന് 35 രൂപയാണ് കൂടിയത്. പവന് കൂടിയത് 280 രൂപ. ഇത് റെക്കോർഡ് വർദ്ധനയാണ്. കഴിഞ്ഞ കുറച്ചുദിവസങ്ങളായി സ്വർണത്തിന് വിലകൂടിക്കൊണ്ടിരിക്കുകയാണ്. കഴിഞ്ഞ ദിവസം ​ഗ്രാമിന് 4,540 രൂപയായിരുന്നു നിരക്ക്.

കൊവിഡ് ആശങ്കകളെ തുടർന്ന് അന്താരാഷ്ട്ര വിപണിയിൽ സ്വർണത്തിന് വിലകൂടുന്നതിന്റെ ചുവടുപിടിച്ചാണ് സംസ്ഥാനത്തെയും വിലക്കയറ്റം. സുരക്ഷിത നിക്ഷേപമെന്ന നിലയിൽ ആളുകൾ സ്വർണം വാങ്ങിക്കൂട്ടുന്നതും വിലക്കയറ്റത്തിന് കാരണമാകുന്നുണ്ട്. സ്വർണവില ഉടനൊന്നും കുറയുന്ന ലക്ഷണമില്ലെന്നാണ് റിപ്പോർട്ടുകൾ.