പത്തനംതിട്ട: പത്തനംതിട്ടയിൽ സി.പി.എം ഏരിയ കമ്മറ്റി അംഗത്തിന് കൊവിഡ് സ്ഥിരീകരിച്ച പാർട്ടി ജില്ലാ നേതാക്കൾ ക്വാറന്റീനിൽ പ്രവേശിച്ചു. ശിശുക്ഷേമ സമിതി ചെയര്‍മാന്‍ ഉള്‍പ്പെടെയുള്ളവരാണ് ക്വാറന്റീനിൽ പ്രവേശിച്ചത്. ഏരിയ കമ്മിറ്റി അംഗത്തിന്റെ ആരോഗ്യം മോശമായ നിലയിലായതിനാൽ പൂര്‍ണമായ സമ്പർക്ക പട്ടിക തയ്യാറാകാനായി ഇനിയും സാധിച്ചിട്ടില്ല.
കഴിഞ്ഞ ദിവസം ചേർന്ന ഇടതുപക്ഷ വികസ സമിതി യോഗത്തിൽ രോഗം സ്ഥിരീകരിച്ച ഏരിയ കമ്മറ്റി അംഗത്തിനൊപ്പം ജില്ലാ സെക്രട്ടറിയേറ്റ് അംഗങ്ങളും പങ്കെടുത്തിരുന്നു. ഈ അംഗങ്ങൾ തന്നെ ജില്ലാ സെക്രട്ടറിയേറ്റ് യോഗം ഇന്നലെ സി.പി.എം ഡിസി ഓഫീസിൽ ജില്ലാ സെക്രട്ടറിയേറ്റ് യോഗം ചേരുകയും ചെയ്തിരുന്നു.
പത്തനംതിട്ട മുനിസിപ്പാലിറ്റി മുഴുവന്‍ കണ്ടെയ്ൻമെന്റ് സോണായതിനാൽ പൊലീസ് പരിശോധന ഇവിടെ കർശനമായി നടപ്പാക്കപ്പെടുന്നുണ്ട്. ഇവിടെ നിയന്ത്രണങ്ങളും കൂടുതല്‍ കർശനമാക്കിയിട്ടുണ്ട്. അനുബന്ധ നടപടികൾ സ്വീകരിക്കാന്‍ കലക്ടറുടെ നേതൃത്വത്തിൽ യോഗം ചേർന്നു.