കൊവിഡ് മഹാമാരിയെത്തുടർന്ന് തൊഴിൽ മേഖലകളിലാകെ അനിശ്ചിതത്വം നിലനിൽക്കുകയാണ്.ഇതിന്റെ പശ്ചാത്തലത്തിൽ ഫാഷൻ 'ഈ' മേഖലയ്ക്കാകെ പുതിയ ഊർജ്ജം പകരുക എന്ന ലക്ഷ്യം മുൻനിർത്തി, ദാലു ഫാഷൻ ഫാക്ടറിയുമായി സഹകരിച്ച്, ഇൻഡിവുഡ് ഫാഷൻ പ്രീമിയർ ലീഗും മിസ്റ്റർ & മിസ്സിസ് ഇൻ‌ഡിവുഡും കൈ കോർത്തുകൊണ്ട്, ഫാഷൻ മേഖലയിൽ താല്പര്യമുള്ളവർക്കായി ഒരു ഓൺലൈൻ വർക്ക് ഷോപ്പ് സംഘടിപ്പിക്കുന്നു.

മോഡലുകൾക്കും ഈ മേഖലയിൽ അഭിരുചിയും കഴിവുള്ളവർക്കും, സങ്കീർണമായ ഫാഷൻ മേഖല അടുത്തറിയുവാൻ സഹായിക്കുന്ന രീതിയിലാണ് മൂന്ന് ദിവസത്തെ ആഗോള സർട്ടിഫിക്കേഷൻ കോഴ്‌സ് രൂപകല്പന ചെയ്തിട്ടുള്ളത്.ഇതിൽ പങ്കെടുക്കുന്നവർക്ക്, കോഴ്സ് തീരുന്ന മുറയ്ക്ക് സർട്ടിഫിക്കറ്റുകൾ നൽകുന്നതാണ്. ഈ മേഖലയിൽ ഒരു കരിയർ തെരഞ്ഞെടുക്കാൻ താൽപര്യമുള്ളവർക്ക് അവരുടെ അറിവിന്റേയും അഭിരുചിയുടെയും സാക്ഷ്യപത്രമായി ഈ സർട്ടിഫിക്കറ്റുകൾ പ്രയോജനപ്പെടുത്താൻ സാധിക്കും.

ജൂലായ് 24, 25, 26 തീയതികളിൽ ഓൺലൈനിലൂടെ നടത്തുന്ന ഈ കോഴ്‌സിൽ, ആറ് വിഭാഗങ്ങളും ഒരു പരീക്ഷയുമാണ് ഉൾക്കൊള്ളിച്ചിട്ടുള്ളത്.

താഴെപ്പറയുന്ന പാഠ്യവിഷയങ്ങളാണ് കോഴ്‌സിൽ ഉൾക്കൊള്ളിച്ചിരിക്കുന്നത്. മേക്കപ്പ്, ആരോഗ്യം, ശാരീരികക്ഷമത, ക്ഷേമം, വ്യക്തിത്വ വികസനം, റാമ്പ് നടത്തം, ഒരു ഷോയുടെ അടിസ്ഥാന പാഠങ്ങൾ / മത്സര പരിശീലനം, സ്റ്റൈലിംഗ്, ഡ്രസ്സിംഗ്. ഈ മേഖലയിലെ വിദഗ്ദ്ധരുടെ പ്രത്യേക ക്ലാസ്സുകളും വർക്ക് ഷോപ്പിൽ ഉൾപ്പെടും. ഒരു തുടക്കക്കാരനുപ്പോലും മേഖയിലെ വ്യത്യസ്‌ത പ്ലാറ്റ്ഫോമുകളെക്കുറിച്ച് ആഴത്തിലുള്ള അറിവ് നേടാൻ ഈ വർക്ഷോപ്പ് സഹായിക്കും.

ഇൻ‌ഡിവുഡ് ടാലന്റ് ഹണ്ടുമായി കൂടി സഹകരിച്ച് നടത്തുന്ന ഈ കോഴ്‌സിന് എ‌എം‌ആർ‌ഐ യുടെ അംഗീകാരവും ഉണ്ടായിരിക്കുന്നതാണ്. പ്രോഗ്രാമിനെക്കുറിച്ചുള്ള കൂടുതൽ വിവരങ്ങൾക്കും രജിസ്ട്രേഷൻ നടപടികൾക്കും താഴെപ്പറയുന്ന നമ്പറിൽ ബന്ധപ്പെടുക - +91 95262 03422 ( ആകാശ് സത്യ ).