മലയാള സിനിമയിൽ ഏറ്റവും കൂടുതൽ കള്ളത്തരം കാണിക്കുന്നയാളാണ് വിനയനെന്ന് സംവിധായകൻ ശാന്തിവിള ദിനേശ്. കുറച്ച് നായകന്മാരെ കൊണ്ടുവന്നെന്നല്ലാതെ വിനയൻ എന്താണ് ചെയ്തതെന്നും, എന്തോ ഭാഗ്യം കൊണ്ട് അയാൾ കൊണ്ടുവന്ന ചിലർ രക്ഷപ്പെട്ടു വെന്നും ശാന്തിവിള ദിനേശ് പറയുന്നു.

'ഇത്രയും പരസ്യമായി വിനയനും ശിങ്കിടികളും വാചകമടിക്കുന്നല്ലോ ഫെഫ്കയ്ക്കും ഉണ്ണികൃഷ്ണനുമെതിരെ, ഇപ്പോൾ ഒരു പടം ചെയ്തല്ലോ ഓട്ടോക്കാരൻ ചങ്ങാതി. ആ പടത്തിലെ ഫുൾ ടെക്നീഷ്യൻസിനെയും ഫെഫ്കയിൽ നിന്നാണ് പുള്ളിവച്ചത്. ചാവേറായി നടക്കുന്ന മാക്ട ഫെഡറേഷനിലൊരാളെവച്ചില്ല. അതോടെ ചാവേറായി നടന്ന എല്ലാവരും കളഞ്ഞിട്ട് പോയി. പുള്ളി ഇപ്പോൾ ചെയ്യുന്ന പടങ്ങളെല്ലാം വീണു പോകുവല്ലേ. സെന്തിലിനെവച്ച് ചെയ്ത പടമെല്ലാം പൊട്ടിയില്ലേ.വിനയൻ പറയും കോടികൾ ലാഭമാണെന്നൊക്കെ, ഭയങ്കര നഷ്ടമാണ്.കണ്ടവർ പറയുന്ന കമന്റ് കേട്ടാൽ ചിരിച്ച് വീണുപോകും.'- അദ്ദേഹം പറഞ്ഞു. ഒരു ഓൺലൈൻ മാദ്ധ്യമത്തിന് നൽകിയ അഭിമുഖത്തിൽ സംസാരിക്കുകയായിരുന്നു ശാന്തിവിള ദിനേശ്.