ആലപ്പുഴ : ചേർത്തലയിൽ അതീവ ജാഗ്രത. ഒരു ഡോക്ടർ അടക്കം അഞ്ച് ആരോഗ്യ പ്രവർത്തകർക്ക് കൊവിഡ് സ്ഥിരീകരിച്ചു. ചേർത്തല താലൂക്ക് ആശുപത്രിയിലെ ഒരു ഡോക്ടറും രണ്ട് സ്റ്റാഫ് നഴ്സുമാരും ഉൾപ്പെടെയുള്ള ആരോഗ്യപ്രവർത്തകർക്കാണ് കൊവിഡ് സ്ഥിരീകരിച്ചത്. കൊവിഡ് സ്ഥിരീകരിച്ച ഗർഭിണിയെ ചേർത്തല താലൂക്ക് ആശുപത്രിയിലാണ് ചികിത്സിച്ചിരുന്നത്.

കഴിഞ്ഞ ദിവസമാണ് ഇവർക്ക് രോഗം സ്ഥിരീകരിച്ചത്. ഇതോടെ ആശുപത്രിയിലെ ആരോഗ്യപ്രവർത്തകരെ കൊവിഡ് പരിശോധനയ്ക്ക് വിധേയമാക്കുകയായിരുന്നു. ആശുപത്രിയിലെ കൂടുതൽ ജീവനക്കാർക്ക് കൊവിഡ് 19 സ്ഥിരീകരിക്കാൻ ഇടയുണ്ടെന്നാണ് സൂചന. രോഗവ്യാപന സാധ്യത മുൻനിറുത്തി ചേർത്തല താലൂക്ക് ആശുപത്രി അടയ്ക്കണമെന്ന് നഗരസഭാ ചെയർമാൻ ജില്ലാ ഭരണകൂടത്തോട് ആവശ്യപ്പെട്ടിട്ടുണ്ട്.