തിരുവനന്തപുരം: തിരുവനന്തപുരം സ്വർണക്കടത്ത് കേസിലെ പ്രതികളായ സ്വപ്ന സുരേഷും സന്ദീപ് നായരും പിടിയിൽ. ഏഴുദിവസമായി ഒളിവിലായിരുന്ന ഇരുവരെയും ബംഗളുരുവിൽ വച്ചാണ് എൻ.ഐ.ഐ കസ്റ്റഡിയിൽ എടുത്തത്. ഇരുവരെയും അറസ്റ്റ് ചെയ്ത വിവരം എൻ.ഐ.എ കസ്റ്റംസിനെ അറിയിക്കുകയും ചെയ്തിട്ടുണ്ട്. കേസിലെ രണ്ടാം പ്രതിയാണ് സ്വപ്ന സുരേഷ്.

സ്വപ്‌ന നൽകിയ മുൻകൂർ ജാമ്യാപേക്ഷയിൽ സ്വപ്നക്ക് അനുകൂലമായ വിധി വന്നാൽപോലും എൻ.ഐ.എ ചുമത്തിയ യു.എ.പി.എ വകുപ്പുകൾ നിലനിൽക്കുന്നത് കാരണം ഏത് നിമിഷവും അറസ്റ്റിലായേക്കാം എന്ന സാഹചര്യം നിലവിലുണ്ടായിരുന്നു.

സ്വർണക്കടത്തിലെ മറ്റൊരു പ്രതിയായ സരിത്ത് നേരത്തെ തന്നെ പിടിയിലായിരുന്നു. ഇയാളെ എൻ.ഐ.എ ചോദ്യം ചെയ്ത് വരികയുമായിരുന്നു. പ്രതികളുടെ ഫോൺ വിളികൾ മൂലമാണ് ദേശീയ അന്വേഷണ ഏജൻസിക്ക് ഇവരെ വേഗത്തിൽ പിടികൂടാൻ സാധിച്ചത്. സന്ദീപിന്റെ ഫോൺ വിളികൾ കേന്ദ്രീകരിച്ചായിരുന്നു എൻ.ഐ.എയുടെ അന്വേഷണം.