മലപ്പുറം: കരിപ്പൂർ വിമാനത്താവളത്തിൽ വീണ്ടും സ്വർണവേട്ട. 1.21 കോടി രൂപയുടെ സ്വർണം പിടികൂടി. നാല് യാത്രക്കാരിൽ നിന്നായിട്ടാണ് സ്വർണം പിടിച്ചെടുത്തത്. 2513 ഗ്രാം സ്വർണമാണ് അധികൃതർ കണ്ടെത്തിയത്.

റാസൽഖൈമയിൽ നിന്നും ചാർട്ടേർഡ് വിമാനത്തിലെത്തിയ യാത്രക്കാരിൽ നിന്നാണ് സ്വർണം പിടിച്ചെടുത്തത്. കഴിഞ്ഞ ദിവസങ്ങളിൽ ചാർട്ടേഡ് വിമാനങ്ങൾ വഴിയുള്ള സ്വർണക്കടത്ത് പിടികൂടിയിരുന്നു.