തൃശൂർ: കൊച്ചിൻ ദേവസ്വം ബോർഡിലെ പ്രധാന ആനകളിൽ ഒന്നായ തൃപ്രയാർ രാമചന്ദ്രൻ ചരിഞ്ഞു. ഇന്നലെ രാത്രി​ വടക്കുന്നാഥ ക്ഷേത്രത്തിലെ കൊക്കർണ്ണിപ്പറമ്പിൽ വച്ചായിരുന്നു ചരി​ഞ്ഞത്. എഴുപതുവയസായി​രുന്നു..

വാർദ്ധ്യക്യ സഹജമായ അസുഖങ്ങളാൽ ഏറെ നാളായി​ അലട്ടി​യി​രുന്ന തൃപ്രയാർ രാമചന്ദ്രൻ കഴി​ഞ്ഞ തി​ങ്കളാഴ്ച തളർന്നുവീണി​രുന്നു.ഒടുവി​ൽ ക്രെയി​നി​ന്റെ സഹായത്തോടെ ഉയർത്തിശേഷം ചികിത്സ ആരംഭിച്ചു. എങ്കിലും രക്ഷിക്കാനായില്ല.

പ്രമുഖ അബ്കാരി ക്രോൺട്രാക്ടറായിരുന്ന കെ.ജി ഭാസ്കരനാണ് തൃപ്രയാർ ക്ഷേത്രത്തിൽ രാമചന്ദ്രനെ നടയ്ക്കിരുത്തിയത്. ആന പ്രേമികളുടെ ഇഷ്ടക്കാരനായിരുന്നു രാമചന്ദ്രൻ. പോസ്റ്റുമോർട്ടം പൂർത്തിയായി. സംസ്കാരത്തിനുള‌ള നടപടികൾ ആരംഭിച്ചു.