തിരുവനന്തപുരം: സ്വർണക്കടത്ത് കേസിൽ പ്രതികളായ സരിത്തിന്റെയും റമീസിന്റെയും വീട്ടിൽ റെയ്‌ഡ്. സരിത്തിന്റെ തിരുവല്ലത്തെ വീട്ടിൽ എൻ.ഐ.എ ഉദ്യോഗസ്ഥരും റമീസിന്റെ പെരിന്തൽമണ്ണയിലെ വീട്ടിൽ കസ്റ്റംസുമാണ് പരിശോധന നടത്തുന്നത്.
സരിത്തിന്റെ വീട്ടിൽ എൻ.ഐ.എ ഉദ്യോഗസ്ഥർ പ്രാഥമിക വിവര ശേഖരണമാണ് നടത്തിയത്. അയൽവാസികളോട് വിവരം ചോദിച്ചറിഞ്ഞു. ഇയാളുടെ വീട്ടിൽ എൻ.ഐ.എ നിരീക്ഷണം ഏർപ്പെടുത്തി.
റമീസിന്റെ പെരിന്തൽമണ്ണയിലെ വെട്ടത്തൂരിലെ വീട്ടിൽ കസ്റ്റംസാണ് പരിശോധന നടത്തിയത്. പെരിന്തൽമണ്ണ എ.എസ്.പി എം ഹേമലതയുടെ നേതൃത്വത്തിലുള്ള പൊലീസ് സംഘവും കസ്റ്റംസ് ഉദ്യോഗസ്ഥർക്കൊപ്പം പരിശോധനയ്ക്ക് എത്തി.