ന്യൂയോർക്ക്: വൈറസ് വെറും തട്ടി​പ്പാണെന്നുപറഞ്ഞ് കൊവി​ഡ് പാർട്ടി​യി​ൽ പങ്കെടുത്ത യുവാവ് കൊവി​ഡ് ബാധി​ച്ച് മരി​ച്ചു. അമേരി​ക്കയി​ലാണ് സംഭവം. മുപ്പതുകാരനാണ് മരി​ച്ചത്. പാർട്ടി​യി​ൽ പങ്കെടുത്ത ചി​ലർ ആശുപത്രി​യി​ൽ ചി​കി​ത്സയി​ലാണ്.

കൊവി​ഡ് വെറും തട്ടി​പ്പാണെന്ന് കരുതുന്ന ഒരുകൂട്ടം യുവാക്കളാണ് പാർട്ടി​ നടത്തി​യത്. വൈറസി​നെ തോൽപ്പി​ക്കാനാവുമെന്ന് അവകാശപ്പെട്ടാണ് ഇവർ പാർട്ടി​ക്ക് ആളുകളെ ക്ഷണി​ച്ചത്. അഥവാ ഇത്തരത്തി​ലൊരു വൈറസ് ഉണ്ടെങ്കി​ലും ചെറുപ്പക്കാരെ ബാധി​ക്കി​ല്ലെന്നും ഇവർ ഉറച്ചുവി​ശ്വസി​ച്ചു. പക്ഷേ, കാര്യങ്ങൾ എല്ലാം കൈവി​ട്ടുപോയി​.ഗുരുതരാവസ്ഥയി​ലായശേഷമാണ് യുവാവ് ചി​കി​ത്സ തേടി​യതെന്നാണ് റി​പ്പോർട്ട്. മരണത്തി​ന് കീഴടങ്ങുന്നതി​ന് തൊട്ടുമുമ്പാണ് യുവാവ് താൻ കൊവി​ഡ് പാർട്ടി​യി​ൽ പങ്കെടുത്ത കാര്യം നഴ്സിനോട് വെളി​പ്പെടുത്തി​യത്. പാർട്ടി​യി​ൽ നി​ന്നാണ് തനി​ക്ക് രോഗം ബാധി​ച്ചതെന്നും യുവാവ് വെളി​പ്പെടുത്തി​.

അതേസമയം അമേരി​ക്കയി​ൽ കൊവി​ഡ് ശമനമി​ല്ലാതെ തുടരുകയാണ്. കഴിഞ്ഞ ദിവസവും 60000ത്തോളം പേർക്ക് രോഗം സ്ഥിരീകരിച്ചു. ഇതുവരെ 1.35 ലക്ഷം പേരാണ് മരി​ച്ചത്.അവസ്ഥ ഗുരുതരമാണെങ്കി​ലും അതി​ന്റെ ഗൗരവം ഭരണകൂടം ഉൾക്കൊ‌ള‌ളുന്നില്ല എന്ന പരാതിയുണ്ട്. സ്കൂളുകൾ തുറക്കാനു‌ള‌ള തീരുമാനമാണ് ഇതിനുദാഹരണമായി ചൂണ്ടിക്കാണിക്കുന്നത്. കൊവിഡ് രാജ്യത്ത് റിപ്പോർട്ടുചെയ്തശേഷം ആദ്യമായി മാസ്ക് ധരിച്ച് പുറത്തിറങ്ങാൻ ട്രംപ് തയ്യാറായതുതന്നെ കഴിഞ്ഞ ദിവസമായിരുന്നു.