ദുബായ്: യു.എ.ഇയുടെ ചൊവ്വാ പേടകത്തിന്റെ വിക്ഷേപണം മാറ്റിവച്ചു. ജപ്പാനിലെ തനെഗഷിമ സ്‌പേസ് സെന്ററില്‍ നിന്ന് നാളെയായിരുന്നു വിക്ഷേപണം നടത്താന്‍ തീരുമാനിച്ചിരുന്നത്.ഹോപ് പ്രോബ് എന്നാണ് പേടകത്തിന്റെ പേര്. വിക്ഷേപണം നടത്തുന്നതോടെ മറ്റ് ഗ്രഹങ്ങളിലേക്ക് എത്തുന്ന ആദ്യത്തെ അറബ് രാജ്യമായി യുഎഇ മാറും.മുഹമ്മദ് ബിന്‍ റാഷിദ് സ്‌പേസ് സെന്റര്‍ (എംബിആര്‍എസ്സി) യിലെ ശാസ്ത്രജ്ഞര്‍ ആണ് പേടകം വിക്ഷേപിക്കുന്നതിന്റെ കാര്യങ്ങള്‍ വിലയിരുത്തുന്നത്. ജപ്പാനിലെ വിക്ഷേപണ സൈറ്റിലെ കാലാവസ്ഥ മോശമായതാണ് വിക്ഷേപണം മാറ്റിവെക്കാന്‍ കാരണം എന്ന് അറബ് മാദ്ധ്യമങ്ങള്‍ റിപ്പോര്‍ട്ട് ചെയ്യുന്നു.
പുതിയ വിക്ഷേപണ തീയതി ജൂലായ് 17 വെള്ളിയാഴ്ചയിലേയ്ക്ക് മാറ്റി .ചൊവ്വയിലേക്കുള്ള ഗതി നിയന്ത്രിക്കുകയും ഭൂമിയുമായുള്ള ബന്ധം നിലനിര്‍ത്തുകയും ചെയ്യുക സങ്കീര്‍ണമാണ്. നക്ഷത്രങ്ങളെക്കുറിച്ച് അറിയാനും, ചൊവ്വയിലെ വെള്ളം, അന്തരീക്ഷത്തിലെ പ്രത്യേകതകള്‍ എന്നിവ കണ്ടെത്താനുള്ള അള്‍ട്രാവയലറ്റ് സ്‌പെക്ട്രോമീറ്റര്‍ സംവിധാനങ്ങള്‍ പേടകത്തില്‍ ഒരുക്കിയിട്ടുണ്ട്.