ന്യൂഡൽഹി: രാജ്യത്ത് കൊവിഡ് ബാധിതരുടെ എണ്ണം കുത്തനെ ഉയരുന്നു. കഴിഞ്ഞ 24 മണിക്കൂറിനിടെ മുപ്പത്തിരണ്ടായിരത്തിലധികം പേർക്കാണ് പുതുതായി രോഗം സ്ഥിരീകരിച്ചത്. ഇതുവരെയുള്ളതിൽവച്ച് ഏറ്റവും ഉയർന്ന പ്രതിദിന കണക്കാണിത്. ഇതോടെ ആകെ രോഗബാധിതരുടെ എണ്ണം 9,68,876 ആയി.
24 മണിക്കൂറിനിടെ അറുനൂറിലധികം പേരാണ് രാജ്യത്ത് കൊവിഡ് ബാധിച്ച് മരിച്ചത്. ഇതോടെ ആകെ മരണസംഖ്യ 24,915 ആയി ഉയർന്നു. അതേസമയം രോഗമുക്തി നിരക്ക് ഉയരുന്നത് ഏറെ ആശ്വാസകരമായ കാര്യമാണ്. 6,12,815 പേർ ഇതിനോടകം സുഖം പ്രാപിച്ചു.
നിലവിൽ 3,31,146 പേരാണ് രാജ്യത്ത് വിവിധ സംസ്ഥാനങ്ങളിലായി ചികിത്സയിലുള്ളത്. മഹാരാഷ്ട്രയിലാണ് സ്ഥിതി ഏറ്റവും ഗുരുതരം. സംസ്ഥാനത്ത് മരണസംഖ്യ 10,000 കടന്നു. ആകെ രോഗികളുടെ എണ്ണം രണ്ട് ലക്ഷത്തി ഏഴുപത്തി അയ്യായിരം പിന്നിട്ടു. ഡൽഹിയിലും കൊവിഡ് വ്യാപനം രൂക്ഷമാണ്. 1,15,346 പേർക്കാണ് ഇതിനോടകം രാജ്യതലസ്ഥാനത്ത് രോഗം സ്ഥിരീകരിച്ചത്.
Highest single day spike of 32,695 #COVID19 cases and 606 deaths reported in the last 24 hours in India.
— ANI (@ANI) July 16, 2020
Total positive cases stand at 9,68,876 including 3,31,146 active cases, 6,12,815 cured/discharged/migrated and 24,915 deaths: Ministry of Health and Family Welfare pic.twitter.com/nuYhpfMQtz