ന്യൂയോർക്ക്​: 2100ാം വർഷ​മാകുമ്പോഴേക്കും ലോകത്തെ 20ൽ അധികം രാജ്യങ്ങളിൽ ജനസംഖ്യ പകുതിയായി കുറയുമെന്നും ചൈനയെ മറികടന്ന്​ ജനസംഖ്യയിൽ ഇന്ത്യ ഒന്നാമതെത്തുമെന്നും പഠനം. ‘ദ ലാൻസെറ്റി’ൽ പ്രസിദ്ധീകരിച്ച പഠനത്തിലാണ് ഇക്കാര്യം വ്യക്തമാക്കുന്നത്.

2100ൽ ഇന്ത്യയുടെ ജനസംഖ്യ 110 കോടിയായിരിക്കും. സബ്​ സഹാറൻ ആഫ്രിക്കയിൽ ജനസംഖ്യ വർധിച്ച്​ 300 കോടി ആകും. നൈജീരിയയിൽ മാത്രം 80 കോടി പേരാണ്​ വസിക്കുക. അതേസമയം, ഐക്യരാഷ്​ട്ര സഭ കണക്കുകൂട്ടിയതിനെക്കാൾ 200 കോടി ജനങ്ങൾ കുറവായിരിക്കും 2100ൽ ലോകത്തുണ്ടാകുകയെന്നും അന്താരാഷ്​ട്ര ഗവേഷകരുടെ പഠനത്തിൽ വ്യക്തമായി. 880 കോടി ജനങ്ങളായിരിക്കും ലോകത്തുണ്ടാകുക. 140 കോടിയുമായി നിലവിൽ ജനസംഖ്യയിൽ ഒന്നാം സ്ഥാനത്തുള്ള ചൈനയിൽ 2100ൽ 73 കോടി പേരാണുണ്ടാകുക. ഇറ്റലി, ജപ്പാൻ, പോളണ്ട്​, പോർചുഗൽ, ദക്ഷിണ കൊറിയ, സ്​പെയിൻ, തായ്​ലൻഡ്​ തുടങ്ങിയ രാജ്യങ്ങളിലാണ്​ ജനസംഖ്യ പകുതിയാകുക. പഠനം പറയുന്നു.