ശ്രീനഗർ: ജമ്മുകാശ്‌മീരിൽ നടന്ന ഏറ്റുമുട്ടലിൽ മൂന്ന് ഭീകരരെ സൈന്യം വധിച്ചു. ഇന്ന് രാവിലെ കാശ്‌മീരിലെ കുൽഗാമിലാണ് ഏറ്റുമുട്ടൽ നടന്നത്. വെടിവയ്പിൽ മൂന്ന് സൈനികർക്ക് പരിക്കേറ്റുവെന്നാണ് വിവരം. കുൽഗാമിൽ തീവ്രവാദികളുടെ സാന്നിധ്യത്തെക്കുറിച്ച് വിവരം ലഭിച്ചതിനെ തുടർന്ന് സുരക്ഷാ സേന അതിരാവിലെ തന്നെ തിരച്ചിൽ ആരംഭിച്ചിരുന്നുവെന്ന് സൈനിക വൃത്തങ്ങൾ പറഞ്ഞു.

ഒളിച്ചിരുന്ന തീവ്രവാദികൾ സുരക്ഷാ സേനയ്ക്ക് നേരെ വെടിയുതിർത്തതോടെ തിരച്ചിൽ ഏറ്റുമുട്ടലായി മാറിയെന്ന് പൊലീസ് പറഞ്ഞു. കൊല്ലപ്പെട്ട തീവ്രവാദികളിൽ നിന്ന് വൻ ആയുധശേഖരം പിടികൂടിയതായാണ് വിവരം. ഏറ്റുമുട്ടൽ ഇപ്പോഴും തുടരുകയാണ്.