കോട്ടയം: ഏറ്റുമാനൂരിൽ കൊവിഡ് ആശങ്കയേറുന്നു. പച്ചക്കറി മാർക്കറ്റിലെ ഒരു ഡ്രെെവർക്ക് കൂടി കൊവിഡ് സ്ഥിരീകരിച്ചു. ഇന്ന് രാവിലെ നടത്തിയ പരിശോധനയിലാണ് രോഗം സ്ഥിരീകരിച്ചത്. കിടങ്ങൂരിലെ കടയിലേക്ക് പച്ചക്കറി കൊണ്ടുപോകാൻ എത്തിയതായിരുന്നു ഇയാൾ. മാർക്കറ്റിൽ എത്തിയ 28 പേരെ ആന്റിജൻ ടെസ്റ്റിന് വിധേയമാക്കി.
നേരത്തെ ഏറ്റുമാനൂര്‍ മത്സ്യമാര്‍ക്കറ്റില്‍ രണ്ടു തൊഴിലാളികള്‍ക്ക് കൊവിഡ് സ്ഥിരീകരിച്ചതായി അധികൃതര്‍ അറിയിച്ചിരുന്നു. മത്സ്യവ്യാപാരികളില്‍നിന്നു പെട്ടികള്‍ എടുത്ത് അടുക്കിവയ്ക്കുന്ന ജോലിയില്‍ ഏര്‍പ്പെട്ടവര്‍ക്കാണു രോഗം കണ്ടെത്തിയിരുന്നത്.