ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 40,425 പേർക്ക് കൊവിഡ് സ്ഥിരീകരിച്ചു. ഇതുവരെയുള്ളതിലെ ഏറ്റവും വലിയ പ്രതിദിന വർദ്ധനയാണിത്. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം പതിനൊന്ന് ലക്ഷം കവിഞ്ഞു. 11,18,043 ആണ് ആകെ മൊത്തം രോഗികളുടെ എണ്ണം.

രാജ്യത്ത് ജൂലായ് 19 വരെയുള്ള കണക്കുകൾ പ്രകാരം 1,40,47,908 സാമ്പിളുകൾ പരിശോധിച്ചു. ഇന്നലെ മാത്രം 2,56,039 സാമ്പിളുകളാണ് പരിശോധിച്ചത്. 24 മണിക്കൂറിനിടെ 681 പേർക്കാണ് കൊവിഡ് കാരണം ജീവൻ നഷ്ടമായത്. നിലവിൽ രാജ്യത്ത് 3,90,459 സജീവ കേസുകളുണ്ട്. 7,00,087 പേർ രോഗമുക്തി നേടി. 27,497 പേരാണ് ഇതിനോടകം കൊവിഡ് ബാധിച്ച് മരിച്ചത്.

രാജ്യത്ത് ഏറ്റവും കൂടുതൽ കൊവിഡ് ബാധിതരുള്ള മഹാരാഷ്ട്രയിൽ രോഗികളുടെ എണ്ണം മൂന്നുലക്ഷം കടന്നു. 3,10,455 പേർക്കാണ് നിലവിൽ രോഗം സ്ഥിരീകരിച്ചിട്ടുള്ളത്. 11,854 പേർ മരിച്ചു. 1,69,569 പേർ രോഗമുക്തി നേടി. 1,29,032 സജീവകേസുകളാണ് സംസ്ഥാനത്തുള്ളത്.

രണ്ടാം സ്ഥാനത്തുള്ള തമിഴ്‌നാട്ടിൽ 1,70,693 പേർക്കാണ് കൊവിഡ് സ്ഥിരീകരിച്ചിട്ടുള്ളത്. 2,481 പേർ മരിച്ചു. 1,17,915 പേർ രോഗമുക്തി നേടി. 50,297 സജീവ കേസുകളാണ് തമിഴ്‌നാട്ടിലുള്ളത്. ഡൽഹിയിൽ ഇതുവരെ 1,22,793 പേർക്കാണ് കൊവിഡ് സ്ഥിരീകരിച്ചത്. 3,628 പേർ മരിച്ചു. 1,03,134 പേർ രോഗമുക്തി നേടി. 16,031 സജീവകേസുകളാണ് ഡൽഹിയിലുള്ളത്.