ടോക്കിയോ: യു.എ.ഇയുടെ ആദ്യ ചൊ​വ്വാ പ​ര്യ​വേ​ഷ​ണ പേ​ട​ക​മാ​യ ഹോ​പ്പ്​ പ്രോ​ബ് വിജയകരമായി വിക്ഷേപിച്ചു. ജ​പ്പാ​നി​ലെ ത​നെ​ഗാ​ഷി​മയിൽ നിന്ന്​ യു.എ.ഇ സമയം പുലർച്ചെ 1.54നായിരുന്നു വിജയക്കുതിപ്പിന്​ തുടക്കം. മണിക്കൂറിൽ 1,21,000 കിലോമീറ്റർ​ ശരാശരി വേഗതയിലാണ്​ കുതിപ്പ്​. 200 ദശലക്ഷം ഡോളറാണ് ദൗത്യത്തിന്റെ ചെലവ്​. ചരിത്രത്തിലാദ്യമായി ബഹിരാകാശ ദൗത്യത്തിനായി അറബ് ഭാഷയിൽ കൗണ്ട്ഡൗൺ നടത്തുന്നതിനും ലോകം സാക്ഷിയായി. ബു​ധ​നാ​ഴ്​​ച പു​ല​ർ​ച്ചെ 12.21ന്​ ​വി​ക്ഷേ​പി​ക്കേ​ണ്ടി​യി​രു​ന്ന ഹോ​പ്പ്​ പ്രോ​ബ് ത​നെ​ഗാ​ഷി​മ ​ഐല​ൻ​ഡി​ലെ പ്ര​തി​കൂ​ല കാ​ലാ​വ​സ്ഥയാൽ നീട്ടിവയ്ക്കുകയായിരുന്നു.

2021 ഫെ​ബ്രു​വ​രി​യി​ൽ​ ഹോ​പ്പ്​ പ്രോ​ബ് ചൊ​വ്വ​യി​ലെ​ത്തും. ദു​ബാ​യി​ൽ നി​ർ​മി​ച്ച ഉ​പ​ഗ്ര​ഹം ര​ണ്ടു​ മാ​സം മു​മ്പാ​ണ്​ ജ​പ്പാ​നി​ൽ എ​ത്തി​ച്ച​ത്. എം.​എ​ച്ച്.​ഐ എ​ച്ച്.​ടു.​എ റോ​ക്ക​റ്റിലാണ്​​​ ഹോ​പ്പി​ന്റെ യാത്ര. ​ചൊ​വ്വ​യു​ടെ താ​ഴ്ന്ന അ​ന്ത​രീ​ക്ഷം ചി​ത്രീ​ക​രി​ക്കു​ക​ വ​ഴി കാ​ലാ​വസ്ഥാ മാ​റ്റ​ങ്ങ​ൾ നി​രീ​ക്ഷി​ക്കാ​നും ആ​ഗോ​ള കാ​ലാ​വ​സ്ഥാ ഭൂ​പ​ടം മ​ന​സി​ലാ​ക്കാ​നും ല​ക്ഷ്യ​മി​ട്ടാ​ണ്​ ഹോ​പ്പി​​​​ന്റെ പ്ര​യാ​ണം. ചൊ​വ്വ​യു​ടെ പൂ​ർ​ണ ചി​ത്ര​ങ്ങ​ൾ ല​ഭി​ക്കു​മെ​ന്ന സൂചനയുമുണ്ട്. ല​ഭ്യ​മാ​കു​ന്ന വി​വ​ര​ങ്ങ​ൾ ലോ​ക​ത്തെ 200ഓ​ളം സ്​​പേ​സ്​ സെന്ററുക​ളു​മാ​യി പ​ങ്കു​വയ്​ക്കും.

ആറ്​ വർഷം മുൻപ്​ യു.എ.ഇ പ്രസിഡന്റ് ശൈഖ്​ ഖലീഫ ബിൻ സായിദ്​ ആൽ നെഹ്​യാനാണ്​ ഹോപ്പി​​​​ന്റെ വരവറിയിച്ച്​ പ്രഖ്യാപനം നടത്തിയത്​. തൊട്ടടുത്ത വർഷം മുഹമ്മദ്​ ബിൻ റാഷിദ്​ സ്​പേസ്​ സെന്റർ സ്​ഥാപിച്ചു. ഇവിടെയായിരുന്നു​ ഹോപ്പിന്റെ നിർമാണം. 55 ലക്ഷം മണിക്കൂറിൽ 450ഓളം ജീവനക്കാരാണ് ഇതിനായി പ്രവർത്തിച്ചത്. ഇതിന്​ പിന്നിൽ പ്രവർത്തിച്ചവരിൽ 34 ശതമാനവും വനിതകളായിരുന്നു.

പ്രധാന ലക്ഷ്യങ്ങൾ:

♦ ചൊവ്വയുടെ താഴ്ന്ന അന്തരീക്ഷം ചിത്രീകരിക്കും
♦ കാലാവസ്ഥാ മാറ്റങ്ങളും അവയുടെ കാരണങ്ങളും നിരീക്ഷിക്കും
♦ ആഗോള കാലാവസ്ഥാ ഭൂപടം മനസിലാക്കും
♦പൊടിക്കാറ്റ്​, വിവിധ ഭാഗങ്ങളിലെ കാലാവസ്ഥാ വ്യതിയാനം എന്നിവ നിരീക്ഷിക്കും
♦ ഹൈഡ്രജൻ, ഓക്​സിജൻ എന്നിവ നഷ്​ടപ്പെടുന്നതിന്റെ കാരണം ​അന്വേഷിക്കും
♦ 2117ൽ ചൊവ്വയിൽ മനുഷ്യന്​ താമസ സ്ഥലം ഒരുക്കും