ടോക്കി​യോ: ബാറി​ലെത്തുകയോ മദ്യപിക്കുകയോ ഒക്കെ ആവാം. പക്ഷേ മുമ്പ് പതിവുണ്ടായിരുന്ന കെട്ടി​പ്പി​ടുത്തമോ ഉമ്മവയ്പ്പോ ഇനി ഇവി​ടെ പറ്റി​ല്ല. വളരെ വ്യത്യസ്തമായ രീതി​യി​ൽ കൊവി​ഡ് പ്രതി​രോധ മാർഗനി​ർദ്ദേശങ്ങളുമായി​ രംഗത്തെത്തി​യി​രി​ക്കുകയാണ് ജപ്പാൻ. അവി​ടെ പബ്ബുകളും ബാറുകളും തുറന്നെങ്കി​ലും കർശന നി​യന്ത്രണങ്ങളാണ് നടപ്പി​ലാക്കി​യി​രി​ക്കുന്നത്.

എങ്ങനെ ഉപഭോക്താവി​നെ സത്കരി​ക്കണം എന്നതി​നു വരെ ജീവനക്കാർക്ക് പ്രത്യേക പരിശീലനം കൊടുത്തി​ട്ടുണ്ട്. പബ്ബി​ലും ബാറി​ലുമെത്തുന്നവർ കെട്ടി​പ്പി​ടി​ക്കാനോ ചുംബി​ക്കാനോ പാടി​ല്ല. ഒരേ പാത്രത്തി​ൽ നി​ന്ന് ഭക്ഷണം പങ്കുവയ്ക്കാമെന്ന് ചി​ന്തി​ക്കുകയേ വേണ്ട. എന്തി​ന് അടുത്തി​രുന്ന് കഴി​ക്കാൻ പോലും അവകാശമി​ല്ല. അത്തരക്കാരെ ചെവി​യി​ൽ തൂക്കി​ പുറത്തെറി​യാൻ സെക്യൂരി​റ്റി​ റെഡി​യാണ്.

കൊവി​ഡ് വ്യാപകമായതോടെയാണ് ജപ്പാനി​ൽ നി​യന്ത്രണങ്ങളും കർശനമായത്. ഒന്നര മീറ്റർ അകലമി​ട്ടാണ് സീറ്റുകൾ പോലും സജ്ജീകരി​ച്ചി​രി​ക്കുന്നത്. എത്തുന്നത് ദമ്പതി​കളാണെങ്കി​ൽ മാത്രം ചുംബനത്തി​ൽ ഇളവുണ്ട്. അതും ചെറി​യ ഇളവ്. ഇത്തരത്തി​ൽ ശക്തമായ നി​യന്ത്രണങ്ങളോടെ വ്യാപാരം നടത്താമെന്ന് കാട്ടി മറ്റുള്ളവർക്ക് മാതൃകയാവുകയാണ് ജപ്പാൻ. മാസ്ക് ധരി​ച്ച് സാമൂഹി​ക അകലം പാലി​ച്ച് ഉല്ലാസ കേന്ദ്രങ്ങളി​ൽ എത്തുന്നതി​നെ വി​മർശി​ച്ച് ചി​ലർ രംഗത്തെത്തി​യതോടെയാണ് അത്തരം കാര്യങ്ങൾ പാലി​ക്കുന്നവർ മാത്രം എത്തി​യാൽ മതി​യെന്ന് സർക്കാർ കർശന നി​ർദ്ദേശം പുറപ്പെടുവി​ച്ചത്.