ന്യൂഡൽഹി: സ്വർണക്കടത്ത് കേസുമായി ബന്ധപ്പെട്ട് സി.പി.എം നേതൃത്വത്തിൽ ഭിന്നതയില്ലെന്ന് സി.പി.എം ജനറൽസെക്രട്ടറി സീതാറാം യെച്ചൂരി. ഇക്കാര്യത്തിൽ പാർട്ടിക്ക് ഒരു നിലപാട് മാത്രമെ ഉള്ളു. സര്‍ക്കാരിന്റെ പ്രവർത്തനങ്ങളിൽ പാർട്ടി ഇടപെടില്ലെന്നും സീതാറാം യെച്ചൂരി പറഞ്ഞു. സ്വർണക്കടത്ത് കേസുമായി ബന്ധപ്പെട്ട് പാർട്ടിക്കും സർക്കാരിനും രണ്ട് നിലപാടില്ലെന്നും അദ്ദേഹം വ്യക്തമാക്കി.

സ്വർണക്കടത്ത് കേസുമായി ബന്ധപ്പെട്ട അന്വേഷണത്തിൽ തെറ്റ് ചെയ്തവരെ കണ്ടെത്തിയാൽ സ്വാഭാവികമായും നടപടി ഉണ്ടാകും. സ്വർണക്കടത്ത് കേസിൽ മുഖ്യമന്ത്രിയുടെ ഓഫീസിനുള്ള ബന്ധം ആരോപിച്ച് പ്രതിപക്ഷ നേതാവ് രമേശ് ചെന്നിത്തല അയച്ച കത്ത് കിട്ടി. പരിശോധിച്ച ശേഷം മറുപടി നൽകുമെന്നും യെച്ചൂരി പറഞ്ഞു.