സിനിമ കഴിഞ്ഞാൽ സാമൂഹ്യ പ്രവർത്തനങ്ങളിൽ മുഴുകും.ജീവിതത്തിൽ ചെ​റിയ സ്വ​പ്ന​ങ്ങ​ളും ല​ക്ഷ്യ​ങ്ങ​ളും മാത്രം.പാഷാണം ഷാജി മനസ് തുറക്കുന്നു

സത്യം പ​റ​യാ​ലോ, പാ​ഷാ​ണം എ​ന്ന് വി​ളി​ച്ചാ​ലേ ഞാ​നി​പ്പോൾ തി​രി​ഞ്ഞു നോ​ക്കു​ക​യു​ള്ളൂ. സാ​ജു എ​ന്ന പേ​ര് മ​റ​ന്നേ പോ​യി. '​സാ​ജൂ​"... എ​ന്നാ​രെ​ങ്കി​ലും വി​ളി​ച്ചാൽ മ​ന​സി​ലാ​കി​ല്ല. പ​ല​പ്പോ​ഴും ദേ വി​ളി​ക്കു​ന്നു എ​ന്ന് ഭാ​ര്യ പ​റ​യു​മ്പോ​ഴാ​ണ് കാ​ര്യം പി​ടി​കി​ട്ടു​ക. പ​ക്ഷേ, '​എ​ടേ പാ​ഷാ​ണം" എ​ന്ന് വി​ളി​ച്ചാൽ അ​പ്പോ​ത്ത​ന്നെ തി​രി​ഞ്ഞു​നോ​ക്കും. സാ​ജൂ​ന്നു​ള്ള പേ​ര് ക​ള​ഞ്ഞി​ട്ട് പാ​സ്‌​പോർ​ട്ടിൽ വ​രെ പാ​ഷ​ണം എ​ന്നാ​ക്കാൻ പ​റ്റു​മോ​യെ​ന്ന ആ​ലോ​ച​ന​യി​ലാ​ണ്. അ​മ്മ​യു​ടെ മെ​മ്പർ​ഷി​പ്പ് വ​രെ പാ​ഷാ​ണം ഷാ​ജി എ​ന്ന പേ​രി​ലാ​ണ്. ചില ആ​ളു​കൾ​ക്ക് എ​ന്തോ ഒ​രു ഷാ​ജി​യാ​ണ​ന്നേ അ​റി​യൂ. '​ഹ​ലോ ഭാ​സ്ക​രൻ ഷാ​ജി" എ​ന്ന് വി​ളി​ക്കു​ന്ന​വ​രു​ണ്ട്. ഒ​രി​ക്കൽ ഞാ​നും ഭാ​ര്യ​യും കൂ​ടി ഹോ​സ്‌​പി​റ്റ​ലിൽ പോ​യി. തീ​രെ​സു​ഖ​മി​ല്ലാ​തെ ഡോ​ക്‌​ട​റു​ടെ മു​റി​യി​ലേ​ക്ക് പോയ ഒ​രു ചേ​ട്ടൻ തി​രി​ച്ചു​വ​ന്നി​ട്ട് ചോ​ദി​ക്കു​ക​യാ ആ​രാ​യി​ത് പാ​താ​ളം ഷാ​ജി​യ​ല്ലേ​ന്ന്. ഏ​ത് പേ​ര് വി​ളി​ച്ചാ​ലെ​ന്താ ആ​ളു​കൾ തി​രി​ച്ച​റി​യു​ന്നു​ണ്ട​ല്ലോ. എ​ന്റെ ജീ​വി​ത​ത്തിൽ ന​ല്ല​തെന്തെ​ങ്കി​ലും ഉ​ണ്ടാ​യി​ട്ടു​ണ്ടെ​ങ്കിൽ ഈ പേ​രു​കാ​ര​ണം സം​ഭ​വി​ച്ച​താ​ണ്.
ഇ​ട​യ്‌​ക്ക് ചാ​ന​ലു​ക​ളിൽ ഷോ ചെ​യ്‌​തി​ല്ലെ​ങ്കിൽ വി​ദേ​ശ​ത്ത് ചെ​ന്നാൽ തി​രി​ച്ച​റി​യി​ല്ല. സി​നി​മ​യിൽ അ​ഭി​ന​യി​ക്കു​ന്ന​വ​രെക്കാൾ വി​ദേശ മ​ല​യാ​ളി​കൾ​ക്ക് പ​രി​ച​യം മി​മി​ക്രി ചെ​യ്യു​ന്ന​വ​രെ​യാ​ണ്. അ​വർ ഏ​ത് സ​മ​യ​വും യൂ​ട്യൂ​ബിൽ ത​മാശ വീ​ഡി​യോ​കൾ ക​ണ്ടു​കൊ​ണ്ടി​രി​ക്കും. അടുത്ത മാസം ഒാണം ആണ്. വി​ദേ​ശ​ത്തെ ഓ​ണം പ്രോ​ഗാ​മു​കൾ ക്രി​സ്‌​മ​സ് വ​രെ നീ​ണ്ടു​പോ​കും. അ​പ്പോ​ഴേ​ക്കും ന​മ്മു​ടെ ഓ​ണ​മൊ​ക്കെ വ​ളി​ച്ചി​ട്ടു​ണ്ടാ​കും.
ചെ​റു​പ്പ​ത്തിൽ സ​ദ്യ ക​ഴി​ഞ്ഞാ​ലു​ടൻ സൈ​ക്കി​ളു​മെ​ടു​ത്തി​റ​ങ്ങും. ക്ള​ബു​കൾ തോ​റും മ​ത്സ​ര​ത്തിൽ പ​ങ്കെ​ടു​ക്കു​ക​യാ​ണ് പ​രി​പാ​ടി. ആ സു​ഖ​മൊ​ന്നും ഇ​പ്പോ​ഴി​ല്ല. റ​സി​ഡ​ന്റ്സ് അ​സോ​സി​യേ​ഷ​ന്റെ ഓ​ണാ​ഘോ​ഷ​മൊ​ന്നും ക്ള​ബു​ക​ളു​മാ​യി താ​ര​ത​മ്യ​പ്പെ​ടു​ത്താൻ പ​റ്റി​ല്ല.
ക​ല്യാ​ണ​മൊ​ക്കെ ക​ഴി​ഞ്ഞ​പ്പോൾ തി​രു​വോ​ണ​ത്തി​ന് രാ​വി​ലെ ത​റ​വാ​ട്ടി​ലെ​ത്തി അ​മ്മ​യെ ക​ണ്ട് ഭാ​ര്യ​യെ അ​വി​ടെ​യാ​ക്കി പ​രി​പാ​ടി​ക്ക് പോ​കും. ഓണ സ​ദ്യ ക​ഴി​ക്കു​ന്ന​ത് രാ​ത്രി പ​ന്ത്ര​ണ്ട് മ​ണി​ക്കാ​യി​രി​ക്കും. ക്ള​ബു​ക​ളു​ടെ പ​രി​പാ​ടി​യാ​ണെ​ങ്കിൽ പല സ്ഥ​ല​ത്ത് നി​ന്നാ​യി​രി​ക്കും ക​റി​കൾ വ​രു​ന്ന​ത്. സെ​ക്ര​ട്ട​റി​യു​ടെ വീ​ട്ടിൽ നി​ന്ന് അ​വി​യൽ ,​ ഖ​ജാൻ​ജി​യു​ടെ വീ​ട്ടിൽ നി​ന്ന് ഉ​പ്പേ​രി അ​ങ്ങ​നെ . ‌​ഞ​ങ്ങൾ ക​ഴി​ക്കു​മ്പോ​ഴേ​ക്കും എ​ല്ലാം അ​വി​യൽ പ​രു​വ​ത്തി​ലാ​യി​ട്ടു​ണ്ടാ​കും. ത​മി​ഴ്നാ​ട്ടി​ലാ​ണ് ശ​രി​ക്കു​മു​ള്ള ഓ​ണം.

അ​രി​യും പൂ​വു​മെ​ല്ലാം അ​വി​ടെ നി​ന്ന​ല്ലേ വ​രു​ന്ന​ത്. ന​മു​ക്ക് സ​ദ്യ ക​ഴി​ക്കു​ക, ടി വി കാ​ണുക അ​ത്ര​യ​ല്ലേ​യു​ള്ളൂ.
ഞ​ങ്ങൾ പ​ത്തു​മ​ക്ക​ളാ​ണ്. ഓ​ണ​ത്തി​ന് എ​ല്ലാ​വ​രും ത​റ​വാ​ട്ടിൽ വ​രും. അ​ച്ഛ​ന്റെ​യും അ​മ്മ​യു​ടെ​യും ഒ​പ്പ​മി​രു​ന്ന് ഭ​ക്ഷ​ണം ക​ഴി​ച്ചി​ട്ടാ​ണ് ഭാ​ര്യ​മാ​രു​ടെ വീ​ട്ടി​ലേ​ക്ക് പോ​കു​ന്ന​ത്. കു​റ​ച്ചു​നാ​ളാ​യി മി​ക്ക വി​ശേഷ ദി​വ​സ​ങ്ങ​ളി​ലും വേ​ണ്ട​പ്പെ​ട്ട മ​റ്റു ചി​ലർ കൂ​ടി ഞ​ങ്ങൾ​ക്കൊ​പ്പ​മു​ണ്ടാ​കും. കാ​ര​ണം ചാ​രി​റ്റി പ്ര​വർ​ത്ത​ന​ത്തി​നാ​യാ​ണ് ഞാ​നും ഭാ​ര്യ ര​ശ്മി​യും ഏ​റ്റ​വും അ​ധി​കം സ​മ​യം ചെ​ല​വ​ഴി​ക്കു​ന്ന​ത്. ചാ​രി​റ്റി സം​ഘ​ട​ന​യൊ​ന്നു​മ​ല്ല. പ​റ​ഞ്ഞും കേ​ട്ടു​മ​റി​ഞ്ഞ് ഓ​രോ​രു​ത്ത​രെ സ​ഹാ​യി​ക്കും. അ​ഗ​തി​മ​ന്ദി​ര​ങ്ങ​ളിൽ സ്ഥി​ര​മാ​യി പോ​കും. ഞാൻ വ​ള​രെ ക​ഷ്‌​ട​പ്പെ​ട്ടാ​ണ് വ​ളർ​ന്ന​ത്. ഇ​പ്പോ​ഴ​ല്ലേ എ​ന്തും ക​ഴി​ക്കാ​മെ​ന്ന അ​വ​സ്ഥ​യി​ലെ​ത്തി​യ​ത്.​അ​തു​കൊ​ണ്ട് ഇ​ല്ലാ​ത്ത​വ​ന്റെ വേ​ദന മ​ന​സി​ലാ​കും. വി​വാ​ഹ​വാർ​ഷി​കം പോ​ലു​ള്ള ആ​ഘോ​ഷ​ങ്ങ​ളെ​ല്ലാം അ​നാ​ഥാ​ല​യ​ങ്ങ​ളി​ലെ കു​ട്ടി​കൾ​ക്കൊ​പ്പ​മാ​ണ്.
വീ​ടി​ന​ടു​ത്തൊ​രു അ​ഗ​തി മ​ന്ദി​ര​മു​ണ്ട്. അ​വി​ടെ ആ​ഴ്ച​യിൽ ര​ണ്ട് ദി​വ​സം ഭ​ക്ഷ​ണം കൊ​ടു​ക്കും. ഗ​വൺ​മെ​ന്റ് ആ​ശു​പ​ത്രി​യി​ലും ര​ണ്ട് ദി​വ​സം ഭ​ക്ഷ​ണം കൊ​ടു​ക്കാൻ തീ​രു​മാ​നി​ച്ചി​ട്ടു​ണ്ട്. ഇ​തി​നു മാ​ത്ര​മാ​യി ഒ​രു വീ​ട് എ​ടു​ത്തു. ഭ​ക്ഷ​ണ​മു​ണ്ടാ​ക്കാൻ ഒ​രു ചേ​ച്ചി​യെ​യും ചു​മ​ത​ല​പ്പെ​ടു​ത്തി​യി​ട്ടു​ണ്ട്. ന​മ്മു​ടെ മ​ക്കൾ ക​ള​യു​ന്ന ഭ​ക്ഷ​ണം ക​ഴി​ച്ചാൽ വി​ശ​പ്പു​മാ​റു​ന്ന നി​ര​വ​ധി കു​ട്ടി​കൾ ചു​റ്റു​മു​ണ്ട്. ഭ​ക്ഷ​ണം പാ​ഴാ​ക്ക​രു​തെ​ന്ന് മ​ന​സി​ലാ​ക്കാൻ മ​ക്ക​ളെ അ​ങ്ങ​നെ​യു​ള്ള സ്ഥ​ല​ങ്ങ​ളിൽ കൊ​ണ്ടു​പോ​ക​ണം. അ​ല്ലാ​തെ ലു​ലു​മാ​ളിൽ മാ​ത്ര​മ​ല്ല പോ​കേ​ണ്ട​ത്. ആ​രാ​ധ​നാ​ല​യ​ങ്ങ​ളിൽ നേർ​ച്ച ചെ​യ്യു​ന്ന​തി​നെ​ക്കാൾ വ​ലിയ സ​ന്തോ​ഷ​വും സ​മാ​ധാ​ന​വും ഇ​ത്ത​രം പ്ര​വൃ​ത്തി​കൾ ത​രു​മെ​ന്ന് അ​നു​ഭ​വ​ത്തി​ലൂ​ടെ മ​ന​സി​ലാ​ക്കി​യ​താ​ണ്. ജോ​സ് മാ​വേ​ലി, പാല മ​രി​യാ സ​ദൻ ന​ട​ത്തു​ന്ന സ​ന്തോ​ഷേ​ട്ടൻ തു​ട​ങ്ങി​യ​വ​രോ​ടൊ​ക്കെ ന​ല്ല അ​ടു​പ്പ​മാ​ണ്. മ​രി​യാ സ​ദ​നിൽ 150​-ൽ അ​ധി​കം അ​ന്തേ​വാ​സി​ക​ളു​ണ്ട്.

അ​വി​ടെ​യൊ​ക്കെ ചെ​ന്നാൽ ന​മ്മ​ളൊ​ന്നു​മ​ല്ലെ​ന്ന സ​ത്യം മ​ന​സി​ലാ​കും.
ഇ​തൊ​ക്കെ അ​റി​ഞ്ഞ് ഒ​രു​പാ​ട് ആ​ളു​കൾ വീ​ട് വ​ച്ച് കൊ​ടു​ക്കു​മോ, ക​ല്യാ​ണം ന​ട​ത്തി​കൊ​ടു​ക്കു​മോ എ​ന്നൊ​ക്കെ ചോ​ദി​ച്ച് വ​രാ​റു​ണ്ട്. അ​ത്ര​യ്‌​ക്കൊ​ന്നു​മാ​യി​ട്ടി​ല്ല. ഞാൻ വീ​ട് വ​ച്ച​തു ത​ന്നെ ലോ​ണെ​ടു​ത്തി​ട്ടാ​ണ്. അ​ത​ട​യ്‌​ക്കാൻ​പെ​ടു​ന്ന പാ​ട് എ​നി​ക്ക് മാ​ത്ര​മേ അ​റി​യൂ. സി​നി​മ​യിൽ അ​ഭി​ന​യി​ക്കു​ന്ന​തി​ന് അ​ഞ്ചും പ​ത്തും ല​ക്ഷ​മൊ​ക്കെ പ്ര​തി​ഫ​ലം വാ​ങ്ങു​ന്നു​ണ്ടെ​ന്നാ​ണ് പ​ല​രും ക​രു​തു​ന്ന​ത്. നിർ​മ്മാ​താ​ക്കൾ ഒ​രു പ്ര​തി​ഫ​ലം പ​റ​യു​ന്നു ന​മ്മൾ പോ​യി അ​ഭി​ന​യി​ക്കു​ന്നു.​അ​ത്ര​യേ​യു​ള്ളു. കാ​ര​ണം സി​നി​മ​യാ​ണ് ല​ക്ഷ്യം. ഇ​നി വേ​റെ വ​ഴി​ക്കൊ​ന്നും സ​ഞ്ച​രി​ക്കാൻ ക​ഴി​യി​ല്ല. ഒ​രാ​ഴ്‌ച വീ​ട്ടിൽ നി​ന്നാൽ സ​ഹാ​യ​ങ്ങൾ​ക്കാ​യി മാ​ത്രം 10000 രൂപ വേ​ണം. പ​ക​രം ഞ​ങ്ങ​ളു​ടെ ചെ​ല​വിൽ കു​റ​യ്‌​‌​ക്കും. ഞാ​നും ഭാ​ര്യ​യു​മാ​യി​ട്ടു​ള്ള ഒ​രു പ്ളാ​നിം​ഗാ​ണ​ത്. എ​ന്റെ വീ​ട്ടി​ലും ഭാ​ര്യ​യു​ടെ വീ​ട്ടി​ലു​മു​ള്ള​വ​രെ​ല്ലാം പാ​വ​ങ്ങ​ളാ​ണ്. അ​വ​രെ​യൊ​ക്കെ സ​ഹാ​യി​ക്ക​ണം. പ​ണ​ക്കാ​ര​നാ​യി​ട്ട​ല്ല. എ​ങ്കി​ലും ഞാൻ ജീ​വി​ക്കു​ന്ന​തു​പോ​ലെ അ​വ​രും ജീ​വി​ക്ക​ണ​മെ​ന്നു​ണ്ട്. ചെ​റിയ സ്വ​പ്ന​ങ്ങ​ളും ല​ക്ഷ്യ​ങ്ങ​ളു​മാ​യി ഇ​ങ്ങ​നെ ജീ​വി​ച്ചു പോ​ക​ണ​മെ​ന്നാ​ണ് ആ​ഗ്ര​ഹം.