വാഷിംഗ്ടൺ: ലോകത്ത് കൊവിഡ് ബാധിച്ചവരുടെ എണ്ണം 15,363,843 ആയി ഉയർന്നു. 629,288 മരണം. 9,340,927 പേർ രോഗമുക്തി നേടി. 24 മണിക്കൂറിനിടെ 278,625 പുതിയ കേസുകൾ റിപ്പോർട്ട് ചെയ്തു. അമേരിക്കയാണ് രോഗബാധിതരുടെ എണ്ണത്തിലും മരണസംഖ്യയിലും ഒന്നാമത്. അമേരിക്കയിൽ രോഗബാധിതരുടെ എണ്ണം 4,099,884 ആണ്. 24 മണിക്കൂറിനിടെ 71,315 പുതിയ കേസുകൾ കൂടി റിപ്പോർട്ട് ചെയ്തു. ആകെ മരണം 146,136 ആയി.

ബ്രസീലിലും രോഗബാധിതരുടെ എണ്ണം കുതിച്ചുയരുകയാണ്. ആകെ രോഗബാധിതരുടെ എണ്ണം 2,231,871. പുതിയ 65,339 കേസുകളും 82,890 മരണങ്ങളുമുണ്ടായി. ഇന്ത്യയിൽ കൊവിഡ് രോഗികളുടെ എണ്ണം 1,239,684 ആയി ഉയർന്നു. 24 മണിക്കൂറിനിടെ 45,599 പുതിയ കേസുകൾ റിപ്പോർട്ട് ചെയ്തു. കൊവിഡ് ബാധിച്ച് ആകെ മരിച്ചവരുടെ എണ്ണം 29,890 ആയി. 784,266 പേ‌ർ രോഗമുക്തി നേടി.