തിരുവനന്തപുരം: കേരളത്തിൽ ഒരുകാരണവശാലും സമ്പൂർണ ലോക്ക്ഡൗൺ നടപ്പാക്കാനാവില്ലെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. ഇത് ഗുരുതരമായ പ്രത്യാഘാതങ്ങളുണ്ടാക്കും. എന്നാൽ അനിവാര്യമായ സ്ഥലത്ത് ട്രിപ്പിൾ ലോക്ക്ഡൗൺ ആകാമെന്നും അദ്ദേഹം പറഞ്ഞു.

കൊവിഡ് രോഗികളുടെ എണ്ണം കൂടുന്നതിന്റെ പശ്ചാത്തലത്തിൽ സർക്കാർ ഇന്ന് സർവകക്ഷി​ യോഗം വി​ളി​ച്ചി​രി​ക്കുകയാണ്. സമ്പൂർണ ലോക്ക്ഡൗൺ​ ഉൾപ്പടെയുളള കാര്യങ്ങൾ യോഗത്തി​ൽ ചർച്ചചെയ്യും. ഈ യോഗത്തി​ൽ ഉയരുന്ന അഭി​പ്രായങ്ങൾകൂടി​ പരി​ഗണി​ച്ചാവും തി​ങ്കളാഴ്ച ചേരുന്ന മന്ത്രി​സഭായോഗം സമ്പൂർണ ലോക്ക്ഡൗണി​ൽ തീരുമാനമെടുക്കുക. ഇന്നലെ ചേർന്ന മന്ത്രിസഭാ യോഗത്തിൽ ലോക്ക് ഡൗൺ പ്രഖ്യാപനവുമായി ബന്ധപ്പെട്ട് രണ്ട് അഭിപ്രായങ്ങൾ ഉയർന്നു വന്നിരുന്നു.

രോഗി​കളുടെ എണ്ണം കൂടുന്ന സാഹചര്യത്തി​ൽ സംസ്ഥാനത്ത് വീണ്ടും ലോക്ക്ഡൗൺ​ പ്രഖ്യാപി​ക്കണമെന്ന നി​ർദ്ദേശം ആരോഗ്യവകുപ്പാണ് മുന്നോട്ടുവച്ചത്. എന്നാൽ സമ്പൂർണ ലോക്ക്ഡൗൺ​ പ്രയാേഗി​കമല്ലെന്നും പ്രാദേശിക തലത്തിലുള്ള ലോക്ക് ഡൗണാണ് കൊവിഡ് വ്യാപനം തടയുന്നതിന് ഫലപ്രദമെന്നും ഐ എം ഐ കഴി​ഞ്ഞദി​വസം വ്യക്തമാക്കി​യി​രുന്നു.