ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം കുത്തനെ ഉയരുന്നു. രോഗബാധിതരുടെ എണ്ണം ഒരുകോടി അമ്പത്തൊമ്പത് ലക്ഷം പിന്നിട്ടു. 641,868 പേരാണ് ഇതുവരെ മരണമടഞ്ഞത്. 97 ലക്ഷത്തിലധികം പേർ രോഗമുക്തി നേടി.

അമേരിക്കയിൽ സ്ഥിതി അതീവ ഗുരുതരമാണ്. പുതുതായി 76,000ത്തിലധികം പേർക്കാണ് യു.എസിൽ കൊവിഡ് ബാധിച്ചത്. ഇതോടെ ആകെ രോഗബാധിതരുടെ എണ്ണം 4,248,304 ആയി ഉയർന്നു. ഇന്നലെ മാത്രം ആയിരത്തിൽ കൂടുതൽ പേർ മരിച്ചു. ഇതോടെ ആകെ മരണസംഖ്യ 148,483 ആയി. രോഗമുക്തി നേടിയവരുടെ എണ്ണം 2,027,641 ആയി.

ബ്രസീലിലും രോഗബാധിതരുടെ എണ്ണവും മരണസംഖ്യയും കുതിച്ചുയരുകയാണ്. കഴിഞ്ഞ 24 മണിക്കൂറിനിടെ രാജ്യത്ത് 58,000ത്തിലധികം പേർക്കാണ് പുതുതായി രോഗം സ്ഥിരീകരിച്ചത്. ഇതോടെ ആകെ രോഗികളുടെ എണ്ണം 2,348,200 ആയി ഉയർന്നു. ഇന്നലെ മാത്രം ആയിരത്തിൽ കൂടുതൽ മരണങ്ങളും റിപ്പോർട്ട് ചെയ്തു. ഇതോടെ ആകെ മരണസംഖ്യ 85,385 ആയി. 1,592,281പേർ സുഖം പ്രാപിച്ചു.