കാസർകോട്: വീട്ടിൽ നിരീക്ഷണത്തിൽ കഴിയുന്നതിനിടെ അണലിയുടെ കടിയേറ്റ ഒന്നര വയസുകാരിക്ക് കൊവിഡ് സ്ഥിരീകരിച്ചു. കുഞ്ഞ് പരിയാരം മെഡിക്കൽ കോളേജിൽ ചികിത്സയിലാണ്. ഇതോടെ കുഞ്ഞിന് രക്ഷകനായി എത്തിയ അയൽവാസി ജിനിൽ മാത്യു ക്വാറന്റൈനിലായി​. പാണത്തൂർ പനത്തടി പഞ്ചായത്ത് പരിധിയിൽ നിരീക്ഷണത്തിൽ കഴിയുന്ന ദമ്പതികളുടെ മകളെ ചൊവ്വാഴ്ച വൈകിട്ടാണ് വീട്ടിലെ ജനൽ കർട്ടന് ഇടയിൽ നിന്ന് അണലി കടിച്ചത്.

കുഞ്ഞിനെ രക്ഷിക്കണമെന്ന് വീട്ടുകാർ അപേക്ഷിച്ചെങ്കിലും കുടുംബം കൊവിഡ് നിരീക്ഷണത്തിൽ കഴിയുന്നതിനാൽ ആരും വീട്ടിലേക്ക് വരാൻ തയാറായില്ല. ഒടുവിൽ അയൽവാസി ജിനിൽ മാത്യുവാണ് കുഞ്ഞിനെ ആംബുലൻസിൽ പരിയാരം മെഡിക്കൽ കോളേജിൽ എത്തിച്ചത്.