ആയുർവേദത്തിൽ പ്രധാന ഔഷധങ്ങളിലൊന്നാണ് ദശമൂലാരിഷ്ടം . പ്രകൃതിയിൽ നിന്നും എടുക്കുന്ന പത്ത് ഔഷധ ചേരുവകൾ ചേർത്താണ് ഇത് ഉണ്ടാക്കുന്നത്. പാർശ്വഫലങ്ങളൊന്നും ഉണ്ടാക്കാത്ത ഈ ഒൗഷധം ശരീരത്തിന് മുഴുവൻ ഗുണം ചെയ്യും. കഫക്കെട്ട്,ആസ്ത്മ,ജലദോഷം,ചുമ,അലർജി,തുടങ്ങിയ രോഗങ്ങൾക്കും ശ്വസനപ്രശ്‌നങ്ങൾക്കും ഉത്തമമാണ് ദശമൂലാരിഷ്ടം.

എത്ര കഠിനമായ പനി അകറ്റാനും ഇത് മതി. ഗ്യാസ്, അസിഡിറ്റി,മനംപുരട്ടൽ,ഛർദ്ദി,വയറുവേദന തുടങ്ങിയ ദഹനപ്രശ്നങ്ങൾക്കും ദശമൂലാരിഷ്ടം ഉപയോഗിക്കാം. ഇന്ന് മൈഗ്രൈൻ കാരണം ബുദ്ധിമുട്ടുന്നവർ നിരവധിയാണ്. അങ്ങനെയുള്ളവർക്കും ഇത് പ്രതിവിധിയാണ്.

വാതസംബന്ധിയായ പ്രശ്നങ്ങൾക്കും സ്ത്രീകളിലെ ആർത്തവ സംബന്ധമായ പ്രശ്നങ്ങൾക്കും നല്ലൊരു ഉപാധിയാണിത്. ദശമൂലാരിഷ്ടം ദിവസവും 20 മില്ലി വീതം ഭക്ഷണത്തിന് ശേഷം കുടിക്കുന്നത് ശരീരത്തിന്റെ ആരോഗ്യം സംരക്ഷിക്കാൻ സഹായിക്കും. ഉപയോഗത്തിന് മുൻപ് വിദഗ്ധോപദേശം തേടുന്നത് കൂടുതൽ നല്ലതാണ്.