ലണ്ടൻ: കൊവിഡ് മഹാമാരി നിയന്ത്രിക്കാനുള്ള വഴികൾ തേടി അലയുകയാണ് ലോകരാജ്യങ്ങൾ. കൊവിഡ് നിയന്ത്രണത്തിന്റെ ഭാഗമായി ബസുകളിൽ എയർ പ്യൂരിഫയറുകൾ പരീക്ഷിക്കാനൊരുങ്ങുകയാണ്​​​ബ്രിട്ടീഷ് സർക്കാർ. കൊവിഡ്​ ഭീകരൻ വായുവിലൂടെ പടരുന്നത്​ തടയാനാണ്​ സർക്കാർ വലിയ ചെലവിൽ പുതിയ പദ്ധതി കൊണ്ടുവരുന്നത്​. വായു ശുദ്ധമായി സൂക്ഷിക്കാനും വൈറസ്​ മുക്​തമാക്കാനും പ്രദേശിക തലം മുതൽ ബസുകളിൽ ഇത്തരത്തിൽ എയർ ഫിൽട്ടറുകൾ സ്ഥാപിക്കുന്നുണ്ട്​. വായുമലിനീകരണം കുറയ്ക്കാനുള്ള ഉപകരണങ്ങൾ നിർമ്മിക്കുന്ന എയർലാബ്​സ്​ കമ്പനിയാണ്​ എയർ ബബിൾ എന്ന എയർ ഫിൽട്ടറുകളും നിർമിക്കുന്നത്​. നിലവിൽ പ്രദേശികമായി ബസുകളിൽ ഫിൽട്ടറുകൾ സ്ഥാപിച്ച് തുടങ്ങിയിട്ടുണ്ട്​.

 എയർ ബബ്ൾ

എയർ ബബ്ൾ (AirBubbl) എന്ന ഉപകരണം മാരകമായ വൈറസുകളും അണുക്കളും ഉൾപ്പെടെ വായുവിലുള്ള 95 ശതമാനം കണികാ പദാർത്ഥങ്ങളും ഫിൽട്ടർ ചെയ്​ത്​ കളയും.​ ഇതിലൂടെ യാത്രക്കാരും ജീവനക്കാരും സുരക്ഷിതരാവും.