തിരുവനന്തപുരം: കേരളത്തിൽ സമ്പൂർണലോക്ക് ഡൗൺ ഏർപ്പെടുത്തേണ്ടെന്ന് മന്ത്രി സഭായോഗം തീരുമാനിച്ചതായി റിപ്പോർട്ട്. സമ്പൂർണ ലോക്ക് ഡൗൺ അപ്രായോഗികമാണെന്നാണ് മന്ത്രിസഭ വിലയിരുത്തിയത്. രോഗവ്യാപനം കൂടിയ പ്രദേശങ്ങളിൽ കർശന നിയന്ത്രണം ഏർപ്പെടുത്താനും തീരുമാനമായെന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്. ഈ സ്ഥലങ്ങളിൽ പൊലീസ് പരിശോധന കൂടുതൽ കർശനമാക്കാനാണ് തീരുമാനം. ഇവിടെ കടകൾ തുറക്കുന്നത് ഉൾപ്പടെയുളള കാര്യങ്ങളിൽ ജില്ലാ ഭരണകൂടത്തിന് തീരുമാനമെടുക്കാം. നേരത്തേ നടന്ന സർവ കക്ഷിയോഗത്തിലും സമ്പൂർണ ലോക്ക് ഡൗൺ വേണ്ടെന്ന അഭിപ്രായമായിരുന്നു ഉയർന്നത്. ധനബില്ലിന് പകരമുള്ള ഓർഡിനൻസിന് മന്ത്രിസഭ അംഗീകാരം നൽകിയിട്ടുണ്ട്. ഓർഡിനൻസ് ഗവർണറുടെ അനുമതിക്കായി അയക്കാനും മന്ത്രിസഭ തീരുമാനിച്ചു.

ഓൺലൈനിലായിരുന്നു സ്പെഷ്യൽ മന്ത്രിസഭായോഗം ചേർന്നത്. ചരിത്രത്തിലാദ്യമായാണ് ഇങ്ങനെ യോഗം ചേർന്നത്. ​ധ​ന​കാ​ര്യ​ ​ബി​ല്ലി​ന്റെ​ ​കാ​ലാ​വ​ധി​ ​നീ​ട്ടു​ന്ന​ ​ഒാ​ർ​ഡി​ന​ൻ​സ് ​കൊ​ണ്ടു​വ​രേ​ണ്ട​തി​നാ​ൽ,​ ​മ​ന്ത്രി​സ​ഭ​ ​ചേ​ർ​ന്നേ​ ​പ​റ്റൂ എന്ന സാഹചര്യത്തിലാണ് ഓൺലൈനായി മന്ത്രിസഭായോഗം ചേരാൻ തീരുമാനിച്ചത്. ​ത​ല​സ്ഥാ​ന​ത്തെ​ ​കൊ​വി​ഡ് ​വ്യാ​പ​ന​ ​പ​ശ്ചാ​ത്ത​ല​ത്തി​ൽ​ ​പ​ല​ ​മ​ന്ത്രി​മാ​ർ​ക്കും​ ​യോഗത്തിൽ എ​ത്തി​ച്ചേ​രാ​നാ​വി​ല്ല​.​ പ​കു​തി​ ​മ​ന്ത്രി​മാ​രെ​ങ്കി​ലും​ ​പ​ങ്കെ​ടു​ത്തി​ല്ലെ​ങ്കി​ൽ​ ​യോ​ഗ​ത്തി​ന് ​നി​യ​മ​ ​സാ​ധു​ത​യു​ണ്ടാ​വി​ല്ല.​ ​അ​തി​നാ​ലാ​ണ് ​വീ​ഡി​യോ​ ​കോ​ൺ​ഫ​റ​ൻ​സ് ​ആ​ലോ​ചി​ച്ച​ത്. ക്വാ​റം​ ​തി​ക​യ്ക്കാ​ൻ​ ​ഡി​ജി​റ്റ​ൽ​ ​ഹാ​ജ​ർ​ ​കൂ​ടി​ ​ഉ​ൾ​പ്പെ​ടു​ത്താ​മെ​ന്ന് ​ചീ​ഫ് ​സെ​ക്ര​ട്ട​റി ശു​പാ​ർ​ശ​ ​ന​ൽ​കി.

ത​ല​സ്ഥാ​ന​ത്തി​ന് ​പു​റ​ത്ത്,​ ​മ​ന്ത്രി​സ​ഭാ​യോ​ഗം​ ​മു​മ്പ് ​ചേ​ർ​ന്നി​ട്ടു​ണ്ട്.​ പ​ര​വൂ​ർ​ ​പു​റ്റിം​ഗ​ൽ​ ​വെ​ടി​ക്കെ​ട്ട് ​ദു​ര​ന്ത​മു​ണ്ടാ​യ​പ്പോ​ൾ​ ​കൊ​ല്ലം​ ​ആ​ശ്രാ​മം​ ​ഗ​സ്റ്റ്ഹൗ​സി​ലാ​ണ് ​അ​ന്ന​ത്തെ മുഖ്യമന്ത്രി​ ​ഉ​മ്മ​ൻ​ചാ​ണ്ടി​ ​മ​ന്ത്രി​സ​ഭ​ ​യോ​ഗം​ ​ചേ​ർ​ന്ന​ത്.​ ​എ​റ​ണാ​കു​ള​ത്ത് ​പ്ര​ധാ​ന​മ​ന്ത്രി​ ​ന​രേ​ന്ദ്ര​മോ​ദി​യു​ടെ​ ​സ​ന്ദ​ർ​ശ​നം​ ​പ്ര​മാ​ണി​ച്ച് ​ആ​ലു​വ​ ​ഗ​സ്റ്റ്ഹൗ​സി​ലും​ ​മ​ന്ത്രി​സ​ഭാ​യോ​ഗം​ ​ചേ​ർ​ന്നു.