മോൺടെറി : മെക്സിക്കൻ സംസ്ഥാനത്തെ ആരോഗ്യമന്ത്രി കൊവിഡ് ബാധിച്ചു മരിച്ചു. വടക്ക് പടിഞ്ഞാറൻ മെക്സിക്കോയിലെ ചിവാവാ സംസ്ഥാനത്തെ ആരോഗ്യമന്ത്രിയായ ഡോ. ജീസസ് ഗ്രയേഡയാണ് രണ്ടാഴ്ചത്തെ പോരാട്ടത്തിനൊടുവിൽ കൊവിഡ് 19ന് കീഴടങ്ങിയത്. ഹൃദയസ്തംഭനത്തെ തുടർന്നായിരുന്നു അന്ത്യം.

നിലവിൽ 390,516 പേർക്കാണ് മെക്സിക്കോയിൽ കൊവിഡ് സ്ഥിരീകരിച്ചിട്ടുള്ളത്. 43,680 പേർ മരിച്ചു. ലോകത്ത് ഏറ്റവും കൂടുതൽ പേർ മരിച്ച രാജ്യങ്ങളുടെ പട്ടികയിൽ നാലാം സ്ഥാനമാണ് ലാറ്റിനമേരിക്കൻ രാജ്യമായ മെക്സിക്കോയ്ക്ക്.