ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം കുതിച്ചുയരുന്നു. രോഗം സ്ഥിരീകരിച്ചവരുടെ എണ്ണം 16,629,202 ആയി. 655,865 പേരാണ് വൈറസ്ബാധമൂലം ഇതുവരെ മരണമടഞ്ഞത്. 10,217,311 പേർ രോഗമുക്തി നേടി. 24 മണിക്കൂറിനിടെ 211,578 പേർക്കാണ് രോഗം സ്ഥിരീകരിച്ചത്.

അമേരിക്കയിൽ രോഗികളുടെ എണ്ണം വർദ്ധിച്ചുവരികയാണ്. 4,432,102 പേർക്കാണ് കൊവിഡ് സ്ഥിരീകരിച്ചത്. 60,263 പുതിയ കേസുകളും റിപ്പോർട്ട് ചെയ്തു. 150,418 മരണങ്ങളുമുണ്ടായി. 2,133,582 പേർ രോഗമുക്തി നേടി.

ബ്രസീലിൽ 2,443,480 പേർക്കാണ് കൊവിഡ് സ്ഥിരീകരിച്ചത്. മരണസംഖ്യ 87,679 ആയി. 1,667,667 പേർ സുഖം പ്രാപിച്ചു. ഇന്ത്യയിൽ കൊവിഡ് രോഗികളുടെ എണ്ണം 1,482,503 ആയി വർദ്ധിച്ചു. 24 മണിക്കൂറിനിടെ 46,484 പുതിയ കേസുകളും 636 മരണങ്ങളുമുണ്ടായി. 33,448 പേരാണ് കൊവിഡ് ബാധിച്ച് ആകെ മരിച്ചത്. 953,189 പേർ രോഗമുക്തി നേടി.