വാഷിംഗ്ടൺ: ലോകത്ത് കൊവിഡ് ബാധിതരുടെ എണ്ണം 16,882,498 ആയി ഉയർന്നു. 662,419 പേരാണ് ഇതുവരെ രോഗം ബാധിച്ച് മരിച്ചത്. 10,444,201 പേർ രോഗമുക്തി നേടി. അമേരിക്കയിലാണ് എറ്റവും കൂടുതൽ രോഗികൾ. 4,497,834 പേർക്ക് അമേരിക്കയിൽ മാത്രം രോഗം സ്ഥിരീകരിച്ചു. 152,285 പേരാണ് ഇവിടെ മരിച്ചത്. 24 മണിക്കൂറിനിടെ 64,220 പേർക്ക് പുതുതായി രോഗം സ്ഥിരീകരിച്ചു. 2,180,489 പേർ രോഗമുക്തി നേടി.

അമേരിക്ക കഴിഞ്ഞാൽ എറ്റവും കൂടുതൽ രോഗികളുള്ളത് ബ്രസീലിലാണ്. ബ്രസീലിൽ ഇതുവരെ 2,484,649 പേർക്കാണ് കൊവിഡ് സ്ഥിരീകരിച്ചത്. മരണസംഖ്യ 88,634 ആയി. 1,721,560 പേർ സുഖം പ്രാപിച്ചു. 41,169 പുതിയ കേസുകളും റിപ്പോർട്ട് ചെയ്തു.

ഇന്ത്യയിൽ കൊവിഡ് രോഗികൾ 15 ലക്ഷം കടന്നു. 1,532,135 പേർക്കാണ് ഇതുവരെ രോഗം സ്ഥിരീകരിച്ചത്. 24 മണിക്കൂറിനിടെ 49,632 പുതിയ കേസുകളും 776 മരണങ്ങളുമുണ്ടായി. 34,224 പേരാണ് കൊവിഡ് ബാധിച്ച് ആകെ മരിച്ചത്. 988,770 പേർ രോഗമുക്തി നേടിയത് ആശ്വാസമാകുന്നു.

ലോകത്ത് ഇപ്പോള്‍ ഏറ്റവും വേഗതയില്‍ കൊവിഡ് വ്യാപിക്കുന്ന രാജ്യമാണ് ഇന്ത്യയെന്ന് റിപ്പോര്‍ട്ടുകൾ പുറത്തുവന്നിരുന്നു. ബ്ലൂംബെര്‍ഗ് കൊവിഡ് വൈറസ് ട്രാക്കിന്റെ കണക്കനുസരിച്ച് കഴിഞ്ഞ ആഴ്ചയില്‍ രാജ്യത്ത് കൊവിഡ് രോഗികളുടെ എണ്ണം 20 ശതമാനം വര്‍ദ്ധിച്ച് 14 ലക്ഷം പിന്നിട്ടു.

ഇന്ത്യയിലെ പ്രതിദിന കോവിഡ് ബാധിതരുടെ എണ്ണം ഇപ്പോള്‍ അമ്പതിനായിരത്തോളമാണ്. മൊത്തം രോഗബാധിതരുടെ എണ്ണത്തില്‍ യു എസിനും ബ്രസീലിനും പിന്നിലാണ് ഇന്ത്യയെങ്കിലും പുതിയ കേസുകളുടെ എണ്ണത്തില്‍ അതിവേഗ വര്‍ദ്ധനവാണ് ഉണ്ടാകുന്നത്.