ആ​ല​പ്പു​ഴ​ ​ജി​ല്ല​യി​ലെ​ ​ആ​റാ​ട്ടു​പു​ഴ​ ​ഗ്രാ​മം​ ​ച​രി​ത്ര​ത്തി​ലേ​ക്ക് ​പെ​ട്ടെ​ന്ന് ​ഓ​ടി​ക്ക​യ​റി​യ​ത് 2004​ ​ഡി​സം​ബ​ർ​ 24​ ​ന് ​വൈ​കി​ട്ടാ​ണ്.​ ​ലോ​ക​ത്തെ​ ​ന​ടു​ക്കി​യ​ ​സു​നാ​മി​ ​അ​ടി​ച്ചു​ക​യ​റി​യ​ ​കേ​ര​ള​തീ​ര​ങ്ങ​ളി​ലെ​ ​പ്ര​ധാ​ന​ ​സ്ഥ​ല​ങ്ങ​ളാ​യി​രു​ന്നു​ ​ആ​റാ​ട്ടു​പു​ഴ​ ​പ​ഞ്ചാ​യ​ത്തി​ലെ​ ​പെ​രു​മ്പ​ള്ളി,​ ​ത​റ​യി​ൽ​ക്ക​ട​വ് ​ഭാ​ഗ​ങ്ങ​ൾ.​ 29​ ​ഓ​ളം​ ​ജീ​വ​നു​ക​ളാ​ണ് ​അ​ന്ന് ​ഈ​ ​ഭാ​ഗ​ങ്ങ​ളി​ൽ​ ​പൊ​ലി​ഞ്ഞ​ത്.​ ​എ​ന്നാ​ൽ​ ​അ​ന്ന് ​ഈ​ ​പ്ര​ദേ​ശ​ത്തെ​ ​സു​നാ​മി​യു​ടെ​ ​ഭീ​ക​ര​ത​ ​വാ​ർ​ത്ത​ക​ളി​ൽ​ ​നി​റ​യാ​ൻ​ ​കു​റെ​യെ​ങ്കി​ലും​ ​സ​മ​യ​മെ​ടു​ത്തു.​ ​പ​ക്ഷെ​ ​ക​ഴി​ഞ്ഞൊ​രു​ ​ദി​വ​സം​ ​ഇ​തേ​പ്ര​ദേ​ശ​ത്തെ​ ​കു​റ​ച്ചു​ ​വീ​ട്ടു​കാ​രും​ ​വീ​ട്ട​മ്മ​മാ​രും​ ​ഒ​ത്തു​കൂ​ടി​ ​ഒ​രു​ ​പൂ​ര​പ്പാ​ട്ടും​ ​കൂ​ട്ട​ത്ത​ല്ലും​ ​സം​ഘ​ടി​പ്പി​ച്ച​പ്പോ​ൾ​ ​ലോ​ക​മെ​മ്പാ​ടു​മു​ള്ള​ ​മ​ല​യാ​ളി​ക​ൾ​ ​ടി.​വി​ ​ചാ​ന​ലു​ക​ളി​ൽ​ ​അ​തു​ക​ണ്ട് ​കോ​രി​ച്ച​ത്ത​രി​ച്ചു.​ ​ഫേ​സ്ബു​ക്കി​ൽ​ ​വ​ന്ന​ ​കൂ​ട്ട​ത്ത​ല്ലി​ന്റെ​ ​അ​സു​ല​ഭ​ ​നി​മി​ഷ​ങ്ങ​ൾ​ ​ചു​രു​ങ്ങി​യ​ ​സ​മ​യ​ത്തി​നു​ള്ളി​ൽ​ ​അ​ഞ്ചു​ല​ക്ഷം​ ​പേ​രാ​ണ് ​ക​ണ്ട് ​സാ​യൂ​ജ്യ​മ​ട​ഞ്ഞ​ത്.

അ​ന്യ​ദേ​ശ​ക്കാ​രി​ൽ​ ​ചി​ല​രും​ ​ഈ​ ​കാ​ഴ്ച​ ​കാ​ണാ​നി​ട​യാ​യി.​ ​ഭാ​ഷ​ ​മ​ന​സി​ലാ​വാ​ത്ത​തി​നാ​ൽ​ ​ദൈ​വ​ത്തി​ന്റെ​ ​സ്വ​ന്തം​ ​നാ​ട്ടി​ലെ​ ​പ്രാ​ചീ​ന​ ​കാ​യി​ക​ ​ഇ​ന​മാ​ണെ​ന്ന് ​അ​വ​രെ​ ​പ​റ​ഞ്ഞു​ ​വി​ശ്വ​സി​പ്പി​ച്ച് ​ആ​ത്മാ​ഭി​മാ​ന​മു​ള്ള​ ​കേ​ര​ളീ​യ​ർ​ ​ത​ടി​ത​പ്പി.​ ​പു​ലി​മു​രു​ക​നി​ലെ​ ​ആ​ക്ഷ​ൻ​ ​സീ​നു​ക​ൾ​ ​ഒ​രു​ക്കി​യ​ ​പീ​റ്റ​ർ​ ​ഹെ​യ്നും​ ​ഷാ​ജി​ ​കൈ​ലാ​സ് ​ചി​ത്ര​ങ്ങ​ളി​ലെ​ ​ആ​ക്ഷ​ൻ​ ​സീ​നു​ക​ൾ​ ​ഒ​രു​ക്കു​ന്ന​ ​മാ​ഫി​യ​ ​ശ​ശി​യു​മെ​ല്ലാം​ ​പു​തി​യ​ ​ചി​ത്ര​ങ്ങ​ൾ​ക്ക് ​വേ​ണ്ടി​ ​ഈ​ ​സം​ഘ​ട്ട​ന​രം​ഗ​ങ്ങ​ൾ​ ​അ​തേ​പ​ടി​ ​ആ​വ​ർ​ത്തി​ക്കാ​നു​ള്ള​ ​ആ​ലോ​ച​ന​യി​ലാ​ണ്.​ ​ഒ​രു​ ​റി​ഹേ​ഴ്സ​ൽ​ ​പോ​ലു​മ​ല്ലാ​തെ​ ​അ​ത്യ​ന്തം​ ​ഹൃ​ദ്യ​വും​ ​സാ​ഹ​സി​ക​വു​മാ​യ​ ​രീ​തി​യി​ലാ​ണ് ​വീ​ട്ട​മ്മ​മാ​ർ​ ​ഏ​റ്രു​മു​ട്ടി​യ​തും​ ​നി​ല​ത്തു​വീ​ണ് ​കെ​ട്ടി​മ​റി​ഞ്ഞ​തു​മെ​ല്ലാം.​ ​പ്ര​ദേ​ശ​ത്തു​ള്ള​ ​ചി​ല​ ​പു​രു​ഷ​ ​കേ​സ​രി​ക​ളാ​വ​ട്ടെ​ ​നി​ല​ത്തു​ ​വീ​ണു​രു​ണ്ട് ​സം​ഘ​ട്ട​നം​ ​ന​ട​ത്തു​ന്ന​ ​വീ​ട്ട​മ്മ​മാ​ർ​ക്ക് ​കൈ​കൊ​ട്ടി​ ​'​ഹൈ​ലേ​സ​'​ ​വി​ളി​ച്ചു​ ​കൊ​ടു​ത്തു.​ചെ​റി​യൊ​രു​ ​വ​ഴി​ ​വെ​ട്ട​ലി​നെ​ ​ചൊ​ല്ലി​യു​ള്ള​ ​ത​ർ​ക്ക​മാ​ണ് ​കൂ​ട്ട​ത്ത​ല്ലി​ന് ​വ​ഴി​യൊ​രു​ക്കി​യ​ത്.​ ​സം​ഭ​വ​ത്തി​ന്റെ​ ​ഗൗ​ര​വ​ത്തി​ലേ​ക്ക് ​വ​ര​ണ​മെ​ങ്കി​ൽ​ ​ഇ​വി​ടു​ത്തെ​ ​ഭൂ​മി​ ​ശാ​സ്ത്രം​ ​അ​ല്പ​മൊ​ന്ന് ​മ​ന​സി​ലാ​ക്ക​ണം.

കൊ​ച്ചി​യു​ടെ​ ​ജെ​ട്ടി​യി​ൽ​ ​നി​ന്ന് ​പെ​രു​മ്പ​ള്ളി​യി​ലേ​ക്ക് ​ജം​ഗാ​ർ​ ​സ​ർ​വീ​സ് ​ന​ട​ത്തി​യി​രു​ന്ന​ ​ഭാ​ഗ​ത്താ​ണ് 110​ ​കെ.​വി.​ലൈ​ൻ​ ​വ​ലി​ക്കാ​ൻ​ ​സ്ഥ​ലം​ ​ക​ണ്ടെ​ത്തി​യി​രു​ന്ന​ത്.​ ​എ​ന്നാ​ൽ​ ​ഈ​ ​ഭാ​ഗ​ത്തു​ ​നി​ന്ന് ​അ​ല്പം​ ​തെ​ക്കോ​ട്ടു​ ​മാ​റി​യാ​ണ് ​സു​നാ​മി​ ​പാ​ലം​ ​പ​ണി​ത​ത്.​ ​ഇ​തോ​ടെ​ 110​ ​കെ.​വി​ ​ലൈ​നി​ന് ​നി​ശ്ച​യി​ച്ചി​രു​ന്ന​ ​സ്ഥ​ലം​ ​സ​ർ​ക്കാ​ർ​ ​പു​റ​മ്പോ​ക്കാ​യി​ ​മാ​റി.​കാ​ലം​ ​ക​ഴി​ഞ്ഞ​തോ​ടെ​ ​നാ​ട്ടു​കാ​രാ​യ​ ​സ​ൽ​സ്വ​ഭാ​വി​ക​ളി​ൽ​ ​ചി​ല​ർ​ ​'​സ്വ​ല്പം​ ​'​പു​റ​മ്പോ​ക്കു​ ​വീ​തം​ ​ചു​ര​ണ്ടി​യെ​ടു​ക്കാ​ൻ​ ​തു​ട​ങ്ങി.​ ​മ​റ്റൊ​രു​ ​കാ​ര്യ​ത്തി​ലും​ ​കാ​ട്ടാ​ത്ത​ ​മ​ത്സ​ര​ബു​ദ്ധി​ ​ഇ​ക്കാ​ര്യ​ത്തി​ൽ​ ​പ്ര​ദേ​ശ​വാ​സി​ക​ൾ​ ​കാ​ട്ടി​യ​തോ​ടെ​ ​ന​ല്ലൊ​രു​ ​പ​ങ്ക് ​സ​ർ​ക്കാ​ർ​ ​ഭൂ​മി​യും​ ​പ​ല​രു​ടെ​യും​ ​കൈ​വ​ശ​മാ​യി.​ ​സു​നാ​മി​ ​ര​ക്ത​സാ​ക്ഷി​ ​മ​ണ്ഡ​പ​ത്തി​ന് ​വ​ട​ക്കു​വ​ശ​ത്തു​ ,10​-ാം​ ​വാ​ർ​ഡി​ലെ​ ​ആ​റു​ ​വീ​ട്ടു​കാ​ർ​ക്ക് ​റോ​ഡി​ലേ​ക്ക് ​ക​യ​റു​ന്ന​തി​ന് ​ചെ​റി​യ​ ​ന​ട​പ്പാ​ത​യാ​യി​രു​ന്നു​ ​ആ​ശ്ര​യം.​ ​ഇ​വ​ർ​ക്ക് ​വാ​ഹ​ന​ങ്ങ​ൾ​ ​വീ​ടു​ക​ളി​ലെ​ത്തും​ ​വി​ധ​മു​ള്ള​ ​വ​ഴി​ ​സൗ​ക​ര്യ​മൊ​രു​ക്കാ​ൻ​ ​പ​ഞ്ചാ​യ​ത്ത് ​ഭ​ര​ണ​സ​മി​തി​ ​തീ​രു​മാ​നി​ച്ചു.​ ​തു​ട​ർ​ന്ന് ​കൈ​യ്യേ​റ്റ​ക്കാ​രാ​യ​ ​മ​ഹാ​ത്മാ​ക്ക​ളെ​യും​ ​കൈ​യേ​റാ​ത്ത​ ​മ​ണ്ട​ന്മാ​രെ​യും​ ​എ​ല്ലാ​ ​കൂ​ട്ടി​ച്ചേ​ർ​ത്ത് ​ന​ട​പ്പാ​ത​യു​ടെ​ ​വീ​തി​ ​കൂ​ട്ടി​ ​വ​ഴി​യു​ണ്ടാ​ക്കി.​ ​എ​ന്നാ​ൽ​ ​കൈ​യേ​റ്റ ഭൂ​മി​ ​വി​ട്ടു​കൊ​ടു​ത്തു​ ​വ​ഴി​വെ​ട്ടി​യാ​ൽ​ ​തു​ട​ർ​ന്ന​പ്പു​റ​ത്തേ​ക്ക് ​കി​ട​ക്കു​ന്ന​ ​കൈ​യേ​റ്റ​ ​ഭൂ​മി​യും​ ​പ​ഞ്ചാ​യ​ത്തി​ന്റെ​ ​ആ​വ​ശ്യ​ങ്ങ​ൾ​ക്ക് ​ഭാ​വി​യി​ൽ​ ​വി​ട്ടു​കൊ​ടു​ക്കേ​ണ്ടി​ ​വ​രു​മെ​ന്ന് ​ദീ​ർ​ഘ​ദൃ​ഷ്ടി​യു​ള്ള​ ​ഏ​തോ​ ​സ​മ​ർ​ത്ഥ​ൻ​ ​പ്ര​ച​രി​പ്പി​ച്ചു.​ ​കെ​ണി​ ​മ​ന​സി​ലാ​യ​ ​ഒ​രു​ ​വീ​ട്ടു​കാ​ര​നും​ ​ബ​ന്ധു​ക്ക​ളും​ ​ചേ​ർ​ന്ന് ​വെ​ട്ടി​യ​ ​വ​ഴി​ ​കെ​ട്ടി​യ​ട​ച്ചു.​അ​തോ​ടെ​ ​പ്ര​ദേ​ശ​ത്ത് ​പു​റ​മ്പോ​ക്ക് ​സ്ഥ​ല​മു​ണ്ടെ​ന്ന് ​സ​മ​ർ​ത്ഥി​ച്ചെ​ടു​ക്കാ​ൻ​ ​ചി​ല​ർ​ ​വി​ല്ലേ​ജ് ​ആ​ഫീ​സ​റെ​ ​സ​മീ​പി​ച്ച് ​പു​റ​മ്പോ​ക്കു​ണ്ടെ​ന്ന് ​ഉ​റ​പ്പാ​ക്കി.

ഈ​ ​ഘ​ട്ട​ത്തി​ൽ​ ​വ​ഴി​ ​ആ​വ​ശ്യ​മു​ള്ള​ ​വീ​ട്ടു​കാ​ർ​ ​അ​നു​ര​ഞ്ജ​ന​ത്തി​ന് ​ത​യ്യാ​റാ​യി.​ഒ​രു​ ​ഓ​ട്ടോ​ ​എ​ങ്കി​ലും​ ​ക​ട​ന്നു​ ​പോ​കാ​ൻ​ ​സാ​ധി​ക്കും​ ​വി​ധ​മു​ള്ള​ ​വ​ഴി​ ​വേ​ണ​മെ​ന്നാ​യി​രു​ന്നു​ ​അ​വ​രു​ടെ​ ​ഡി​മാ​ൻ​ഡ്.​ ​എ​ന്നാ​ൽ​ ​എ​തി​ർ​പ​ക്ഷം​ ​വി​ട്ടു​വീ​ഴ്ച​യ്ക്ക് ​ത​യ്യാ​റാ​യി​ല്ല.​ ​അ​തോ​ടെ​ ​വ​ഴി​യു​ടെ​ ​ആ​വ​ശ്യ​ക്കാ​ർ​ ​കോ​ട​തി​യെ​ ​സ​മീ​പി​ച്ചു.​കോ​ട​തി​ ​ഇ​ത് ​പ​രി​ശോ​ധി​ക്കാ​ൻ​ ​ഒ​രു​ ​ക​മ്മീ​ഷ​നെ​ ​നി​യോ​ഗി​ച്ചു.​ക​മ്മീ​ഷ​ൻ​ ​സ്ഥ​ലം​ ​സ​ന്ദ​ർ​ശി​ക്കു​മ്പോ​ൾ,​ ​വ​ഴി​ ​വെ​ട്ടി​യ​ ​സ്ഥ​ല​ത്ത് ​ഒ​രു​ ​ഷെ​ഡ്ഡ് ​ഉ​ണ്ടാ​യി​രു​ന്നു​വെ​ന്ന് ​സ്ഥാ​പി​ക്കാ​ൻ​ ​താ​ത്കാ​ലി​ക​ ​കു​ടി​ൽ​ ​കെ​ട്ടി.​ ​ഇ​ത് ​ചോ​ദ്യം​ ​ചെ​യ്യാ​ൻ​ ​വ​ഴി​യു​ടെ​ ​ആ​വ​ശ്യ​ക്കാ​ർ​ ​ചെ​ന്നു.​ ​ത​ല​പോ​യാ​ലും​ ​സ​മ്മ​തി​ക്കി​ല്ലെ​ന്ന് ​മ​റു​പ​ക്ഷ​വും​ ​വാ​ശി​ ​പി​ടി​ച്ചു.​ ​ഇ​തേ​ ​തു​ട​ർ​ന്നു​ള്ള​ ​ത​ർ​ക്ക​മാ​ണ് ​സം​ഘ​ട്ട​ന​ത്തി​ലേ​ക്ക് ​എ​ത്തി​യ​ത്.

അ​ട​വും​ ​ചു​വ​ടും​ ​പ​റ​ഞ്ഞു​ള്ള​ ​ത​ല്ല്

ഞാ​യ​റാ​ഴ്ച​ ​രാ​വി​ലെ​ 11​ ​മ​ണി​യോ​ടെ​ ​കാശ്മീ​ർ​ ​അ​തി​ർ​ത്തി​യി​ൽ​ ​സൈ​നി​ക​രെ​ ​വി​ന്യ​സി​ക്കും​ ​പോ​ലെ​ ​പ്ര​ദേ​ശ​ത്ത് ​വി​വി​ധ​ ​പ്രാ​യ​ത്തി​ലും​ ​ശ​രീ​ര​ഘ​ട​ന​യി​ലു​മു​ള്ള​ ​വീ​ട്ടു​കാ​ർ​ ​നി​ല​യു​റ​പ്പി​ച്ചു.​ ​മാ​താ​പി​താ​ക്ക​ൾ​ക്ക് ​പി​ന്തു​ണ​യു​മാ​യി​ ​മ​ക്ക​ളും​ ​ഇ​രു​ ​ചേ​രി​യാ​യി​ ​നി​ര​ന്നു.​ ​ഏ​റ്റു​മു​ട്ട​ലി​ന് ​മു​ന്നോ​ടി​യാ​യു​ള്ള​ ​പൂ​ര​പ്പാ​ട്ട് ​മ​ത്സ​രം​ ​രാ​വി​ലെ​ ​തു​ട​ങ്ങി.​ ​ഇ​രു​പ​ക്ഷ​ത്തു​ ​നി​ന്നും​ ​സാ​മാ​ന്യം​ ​ത​ര​ക്കേ​ടി​ല്ലാ​ത്ത​തും​ ​ശ​ബ്ദ​താ​രാ​വ​ലി​യി​ൽ​ ​ഉ​ൾ​ക്കൊ​ള്ളി​ക്കാ​ൻ​ ​ശ്രീ​ക​ണ്ഠേ​ശ്വ​രം​ ​വി​ട്ടു​പോ​യ​തു​മാ​യ​ ​ചി​ല​ ​പ​ദ​ങ്ങ​ൾ​ ​അ​ന്ത​രീ​ക്ഷ​ത്തി​ലൂ​ടെ​ ​പാ​റി​ ​പ​റ​ന്നു.​ ​മു​ൻ​ത​ല​മു​റ​യി​ലു​ള്ള​വ​രെ​ ​ഭ​ക്ത്യാ​ദ​ര​പൂ​ർ​വം​ ​പൂ​ജ​ക​ബ​ഹു​വ​ച​ന​ങ്ങ​ൾ​ ​ചേ​ർ​ത്ത് ​വി​ളി​ച്ച് ​ഇ​രു​പ​ക്ഷ​വും​ ​വ​ണ​ങ്ങി.​ ​ത​ങ്ങ​ളോ​ടു​ ​പോ​രി​ന് ​വ​ന്നാ​ൽ​ ​വ​ച്ചേ​ക്കി​ല്ലെ​ന്ന് ​ക​ലി​തു​ള്ളി​ ​നി​ന്ന​ ​ഒ​രു​ ​വീ​ട്ട​മ്മ​ ​പ​ശു​വി​നെ​ ​കെ​ട്ടി​യി​രു​ന്ന​ ​പ​ത്ത​ലി​ൽ​ ​തൊ​ട്ട് ​സ​ത്യം​ ​ചെ​യ്തു.​ ​സ​ത്യ​പ്ര​തി​ജ്ഞ​ ​ന​ട​ക്കു​ന്ന​തി​നി​ട​യി​ൽ​ ​ആ​ൺ​കേ​സ​രി​ക​ൾ​ ​പ​രി​ച​മു​ട്ട് ​തു​ട​ങ്ങി.​ ​നി​മി​ഷ​ങ്ങ​ൾ​ക്കു​ള്ളി​ൽ​ ​അ​ത് ​കൂ​ട്ട​പ്പൊ​രി​ച്ചി​ലാ​യി​ ​പ​രി​ണ​മി​ച്ചു.​ ​ഉ​ന്തും​ ​ത​ള്ളും​ ​കൈ​വീ​ശി​യു​ള്ള​ ​അ​ടി​യു​മാ​യി​ ​സം​ഗ​തി​ ​വി​ക​സി​ച്ചു.​ ​ഈ​ ​ഘ​ട്ട​ത്തി​ലാ​ണ് ​ഉ​റു​മി​യു​മാ​യി​ ​ഉ​ണ്ണി​യാ​ർ​ച്ച​ ​അ​ങ്ക​ത്ത​ട്ടി​ലി​റ​ങ്ങും​ ​മ​ട്ടി​ൽ​ ​ഒ​രു​ ​വീ​ട്ട​മ്മ​ ​പ​ത്ത​ലു​മാ​യി​ ​മെ​ല്ലെ​ ​നീ​ങ്ങി​യ​ത്.​ ​കൂ​ട്ട​പ്പൊ​രി​ച്ചി​ലി​ൽ​ ​അ​തീ​വ​ ​ശ്ര​ദ്ധ​യോ​ടെ​ ​പോ​ര​ടി​ച്ചു​ ​നി​ന്ന​ ​മ​റ്റൊ​രു​ ​വീ​ട്ട​മ്മ​യു​ടെ​ ​ത​ല​ ​ല​ക്ഷ്യ​മാ​ക്കി​ ​ഒ​റ്റ​ ​അ​ടി.​ ​ഉ​ന്നം​ ​തെ​റ്റി​യ​ ​പ​ത്ത​ൽ​ ​പി​ട​ലി​ക്കാ​ണ് ​പ​തി​ച്ച​തെ​ങ്കി​ലും​ ​അ​ടി​യേ​റ്റ​ ​വീ​ട്ട​മ്മ​ ​നി​ല​വി​ളി​ച്ചു​ ​നി​ല​ത്തു​വീ​ണു.

അ​ടി​ ​പ​റ്റി​ച്ച​ ​വീ​ട്ട​മ്മ​ ​മ​റ്റൊ​രു​ ​സ്ത്രീ​യു​ടെ​ ​അ​ടു​ത്തേ​ക്ക് ​പ​ത്ത​ലു​മാ​യി​ ​പാ​ഞ്ഞു.​ ​അ​ടി​ക്കാ​നും​ ​അ​ടി​ ​ത​ട​യാ​നും​ ​ര​ണ്ട് ​വീ​ട്ട​മ്മ​മാ​രും​ ​ന​ട​ത്തി​യ​ ​പൊ​രി​‌​ഞ്ഞ​ ​പോ​രി​നു​ള്ളി​ൽ​ ​ഇ​രു​വ​രും​ ​നി​ല​ത്തു​ ​വീ​ണു.​ ​ഇ​വ​രെ​ ​ശാ​സി​ക്കാ​നെ​ന്ന​ ​മ​ട്ടി​ൽ​ ​ചു​ള്ളി​ക്ക​മ്പും​ ​കൈ​യി​ലേ​ന്തി​ ​വ​ന്ന​ ​ഒ​രു​ ​ഗൃ​ഹ​നാ​ഥ​നെ​ ​മ​റ്റൊ​രാ​ൾ​ ​വി​ര​ട്ടി​വി​ടു​ന്ന​തും​ ​കാ​ണാ​മാ​യി​രു​ന്നു.​ ​തു​ട​ർ​ന്ന് ​വി​ശ​ദീ​ക​രി​ക്കാ​നാ​വാ​ത്ത​ ​വി​ധ​മാ​ണ് ​സം​ഘ​ട്ട​നം​ ​പു​രോ​ഗ​മി​ച്ച​ത്.​ ​കു​റെ​ ​നേ​ര​ത്തെ​ ​ശ​ക്ത​മാ​യ​ ​ഏ​റ്റു​മു​ട്ട​ലി​ന് ​ശേ​ഷം​ ​പ​രി​ക്ഷീ​ണ​രാ​യ​തോ​ടെ​ ​ഇ​രു​പ​ക്ഷ​വും​ ​പി​ന്തി​രി​ഞ്ഞു.​ ​സാ​മാ​ന്യം​ ​ന​ല്ല​ ​രീ​തി​യി​ൽ​ ​പ​രി​ക്കേ​റ്റ​ ​ര​ണ്ടു​പേ​ർ​ ​ആ​ശു​പ​ത്രി​യി​ലു​മാ​യി.

ഈ​ ​സം​ഭ​വ​ങ്ങ​ളെ​ല്ലാം​ ​തു​ട​ക്കം​ ​മു​ത​ൽ​ ​പ്ര​ദേ​ശ​വാ​സി​യാ​യ​ ​ഒ​രു​ ​പ​യ്യ​ൻ​സ് ​മൊ​ബൈ​ലി​ൽ​ ​പ​ക​ർ​ത്തു​ന്നു​ണ്ടാ​യി​രു​ന്നു.​ ​കൗ​തു​ക​ത്തി​ന് ​വേ​ണ്ടി​ ​ചെ​യ്ത​താ​ണ്.​ ​ദൃ​ശ്യ​ങ്ങ​ൾ​ ​പ​യ്യ​ൻ​ ​മ​റ്റൊ​രാ​ൾ​ക്ക് ​കൈ​മാ​റി.​ ​ആ​ ​വി​ദ്വാ​നാ​ണ് ​സോ​ഷ്യ​ൽ​ ​മീ​ഡി​യ​യി​ൽ​ ​ഇ​ത് ​പോ​സ്റ്റ് ​ചെ​യ്ത​തും​ ​നാ​ടാ​കെ​ ​പ്ര​ച​രി​ക്കാ​ൻ​ ​കാ​ര​ണ​മാ​യ​തും.​ ​ചു​രു​ങ്ങി​യ​ ​സ​മ​യ​ത്തി​നു​ള്ളി​ലാ​ണ് ​അ​ഞ്ച് ​ല​ക്ഷം​ ​'​ലൈ​ക്ക് ​'​എ​ന്ന​ ​നേ​ട്ട​ത്തി​ലേ​ക്ക് ​ആ​റാ​ട്ടു​പു​ഴ​ ​സം​ഘ​ട്ട​നം​ ​എ​ത്തി​യ​ത്.

​ഇ​തു​ ​കൂ​ടി​ ​കേ​ൾ​ക്ക​ണേ
ഇ​ത്ര​യൊ​ക്കെ​ ​സം​ഭ​വ​ങ്ങ​ൾ​ ​അ​ര​ങ്ങേ​റി​യി​ട്ടും​ ​പ്ര​ദേ​ശ​മു​ൾ​പ്പെ​ടു​ന്ന​ ​തൃ​ക്കു​ന്ന​പ്പു​ഴ​ ​പൊ​ലീ​സ് ​ആ​ ​ഭാ​ഗ​ത്തേ​ക്ക് ​എ​ത്തി​ ​ആ​രെ​യും​ ​വേ​ദ​നി​പ്പി​ച്ചി​ല്ല.​ ​ചാ​ന​ലു​ക​ളി​ലെ​ല്ലാം​ ​ഇ​ത് ​പ്ര​ച​രി​ച്ച​ ​ശേ​ഷ​മാ​ണ് ​പൊ​ലീ​സ് ​എ​ത്തി​ ​അ​ഞ്ചു​ ​പേ​ർ​ക്കെ​തി​രെ​ ​കേ​സെ​ടു​ത്ത​ത്.