കണ്ണൂർ: കനത്ത മഴയിൽ മതിലിടിഞ്ഞ് വീണ് വീട്ടുടമ മരണപ്പെട്ടു.വലിയന്നൂർ കാനച്ചേരി റോഡിലെ ബൈത്തുൽ ഹംത്ത് ഹൗസിലെ മടത്തിൽ ഹംസ (62)യാണ് മരണപ്പെട്ടത്. ഇന്നലെ വൈകീട്ട് ആറ് മണിയോടെയാണ് അപകടം. വീടിന് പിറകുവശം 20 അടിയോളം ഉയരത്തിൽ കെട്ടിപൊക്കിയ മതിലാണ് കനത്ത മഴയിൽ ഇടിഞ്ഞുവീണത്. പിറക് വശം വെള്ളം കെട്ടിക്കിടക്കുന്നത് ഒഴിവാക്കുന്നതിന് വേണ്ടി ചാൽ കീറുന്നതിനിടയിലാണ് മതിൽ ഇടിഞ്ഞുവീണത്. അപകട വിവരം അറിഞ്ഞ് സ്ഥലത്തെത്തിയ ഫയർഫോഴ്സും നാട്ടുകാരും പൊലീസും ചേർന്ന് മണിക്കൂറുകളോളം നീണ്ട ശ്രമത്തിൽ ഹംസയെ രക്ഷപ്പെടുത്തി ആശുപത്രിയിലെത്തിച്ചുവെങ്കിലും മരണപ്പെടുകയായിരുന്നു.