ന്യൂഡൽഹി: പ്രശസ്ത വയലിനിസ്റ്റ് ബാലഭാസ്കറിന്റെ മരണം സി.ബി.ഐ അന്വേഷിക്കും. കേരള പൊലീസിൽ നിന്നാണ് കേസ് സി.ബി.ഐ ഏറ്റെടുത്തത്. ബാലഭാസ്കറിന്റെ മരണവുമായി ബന്ധപ്പെട്ട് സ്വർണ്ണക്കടത്ത് സംഘത്തെ സംശയമുണ്ടെന്ന് ബന്ധുക്കൾ നേരത്തെ ആരോപിച്ചിരുന്നു. ബാങ്ക് അക്കൗണ്ടിൽ സംശയകരമായ ഇടപാടുകൾ ഉണ്ടായതായും ബന്ധുക്കൾ പറഞ്ഞു. കഴിഞ്ഞ ഡിസംബറിലാണ് കേസ് സി.ബി.ഐ ഏറ്റെടുക്കണമെന്ന് സംസ്ഥാന സർക്കാർ ആവശ്യപ്പെട്ടത്. എൻ.ഐ.എ സ്വർണക്കടത്ത് കേസ് ഏറ്റെടുത്തിരിക്കുന്ന പശ്ചാത്തലത്തിലാണ് സി.ബി.ഐയുടെ പുതിയ തീരുമാനം.