ന്യൂഡൽഹി: സൂര്യനു കീഴിലുള്ള എല്ലാ വിവരങ്ങളും നൽകുന്ന ലോകത്തിലെ ഏറ്റവും വലിയ സ്വതന്ത്ര്യ ഓണ്‍ലൈന്‍ വിജ്ഞാനകോശമാണ് വിക്കിപീഡിയ. എന്നാൽ കഴിഞ്ഞ ദിവസം വിക്കിപീഡിയയിൽ നിന്നും ഒരു സന്ദേശം പുറപ്പെടുവിച്ചു. ഇന്ത്യൻ വായനക്കാരോടായിരുന്നു ആ സന്ദേശം. തങ്ങളുടെ സ്വത​ന്ത്ര അസ്​തിത്വം നിലനിർത്താൻ പണം സംഭാവനയായി നൽകണമെന്നാണ്​ വിക്കി ആവശ്യപ്പെട്ടിരിക്കുന്നത്​.

‘ഇന്ത്യാക്കാരായ ഞങ്ങളുടെ എല്ലാ വായനക്കാരോടും. ഇതൽപ്പം മോശമാണെന്ന്​ ഞങ്ങൾക്കറിയാം. എങ്കിലും നിങ്ങളോട് താഴ്മയായി അപേക്ഷിക്കുന്നു. വിക്കിപീഡിയയുടെ സ്വതന്ത്ര്യ സ്വഭാവം സംരക്ഷിക്കാന്‍ വേണ്ടിയാണ്. ഞങ്ങളുടെ 98 ശതമാനം വായനക്കാരും ഒന്നും സംഭാവനയായി നല്‍കുന്നില്ല.

നിങ്ങൾ 150 രൂപ സംഭാവനയായി നൽകുകയാണെങ്കിൽ അത്​ ഒരുപാട്​ വർഷത്തേക്ക്​ ഞങ്ങളുടെ പ്രവർത്തനങ്ങളെ സഹായിക്കും. നിങ്ങൾ ഇതിനുമുമ്പ്​ ഞങ്ങളെ സഹായിച്ചിട്ടുണ്ടെങ്കിൽ അതിന്​ നന്ദി പറയുന്നു. 150 രൂപയെന്നത്​ ഏറ്റവും കുറഞ്ഞ തുകയായാണ്​ നിശ്​ചയിച്ചിരിക്കുന്നത്​. അതിന്​ മുകളിൽ ഏത്​ തുകയും വിക്കിക്കായി സംഭാവന നൽകാം. വിവിധ കാർഡുകൾ ഉപയോഗിച്ച്​ ഓൺലൈനായാണ്​ പണം സംഭാവന നൽകേണ്ടത്​.‘-വിക്കിപീഡിയയുടെ സന്ദേശത്തിൽ വ്യക്തമാക്കുന്നു.

ഇതാദ്യമായല്ല വിക്കിപീഡിയ സോഷ്യൽ മീഡിയ വായനക്കാരിൽ നിന്നും പിന്തുണ തേടുന്നത്. കഴിഞ്ഞ വർഷം ആഗസ്റ്റിൽ സമാനമായ ഒരു സന്ദേശം വിക്കിപീഡിയ വെബ്സെെറ്റിൽ പ്രത്യക്ഷപ്പെട്ടിരുന്നു.