മുംബയ്: ഇന്ത്യൻ ഫുട്​ബാളിലെ റെക്കാഡ്​ ട്രാൻസ്​ഫർ തുകയ്ക്ക് എഫ്​.സി ഗോവയുടെ സൂപ്പർ മിഡ്​ഫീൽഡർ ഹ്യൂഗോ ബൗമസിനെ ​ മുംബയ് സിറ്റി സ്വന്തമാക്കി. മൂന്നു സീസണിലായി ഗോവയുടെ കുതിപ്പിന്​ സഹായിച്ച ഹ്യൂഗോയെ മുംബയ് നേരത്തേ നോട്ടമിട്ടിരുന്നു. എന്നാൽ 1.60 കോടി റിലീസ്​ ക്ലോസ് ആയി നിശ്ചയിച്ച് ഗോവ ​ഇൗ നീക്കത്തിന്​ തടയിട്ടിരുന്നു. എന്നാൽ, ഇന്ത്യൻ ഫുട്​ബാൾ ചരിത്രത്തിലെ ഏറ്റവും ഉയർന്ന തുക നൽകാൻ തീരുമാനിച്ച്​ മും​ബയ് കരാർ ഉറപ്പിച്ചു. കഴിഞ്ഞ സീസണിൽ 11 ഗോളുകളടിക്കുകയും 10 എണ്ണത്തിന് വഴിയൊരുക്കുകയും ചെയ്ത താരമാണ് ഹ്യൂഗോ.